Schlussbricht

In da letschta 6Moenat haemmer 11 Laender bsuacht in Sued/mittel Amerika. Haend wunderschoerni Idrueck koenna mitne und zaemma Teila. Sind zmeischta mim Bus greist was nid immer so entspannt gsi isch, aber au das haemmer ueberstanda und wen Ihar as biz uesseri Reisebrichtli verfolgt haend wuessender vo was miar reden.
Zum Essa Ris, Bohna, Pommes und Salad sind meischtens immer drbi gsi bi da Menues.
DLuet sind dr hammer gsi usser in Bolivia dia hends sich nia richtig goeffnet. Ev. wills eifach eins vo da aermschta Laender isch vo Sued Amerika.

Uess haend dia Laender super gfalla und zleba vo dena Luet isch au bewundernswert gsi. Kein Stress, immer Fiesta und Siesta und eifach zfridni Luet fuer das wos haend. Falls Ihar as Land wend go bsuacha oder bereisa wo miar scho gsi sind, Ihar hend jo uesseri e-mail Adressa und miar zeigend gern au no as paar Foeteli.


Also Ihar liaba Luet miar sind wider abem 13.06.2008 in dr schoena Schwiz, bis gli......................


HASTA LUEGO CHICOS!!!!!!!!!!!!

Los Angeles / Chatsworth

Nach 4std. Flug simmer ako in L.A. zWetter het uess fruendlich begruesst und als miar uessers Gepaeck ka hend simmer mim Bus zur Autovermietig Dollar. Wo miar uessera Porsche ka hend, haemmer uess denn uf da Weg gmacht nach Chatsworth zu da Niggs. Ako und Tuera isch gschlossa gsi. Do miar so schnell dr Weg gfunda hend simmer zfrueh gsi, egal sind glich ins erschta Schopping Center bis am Obed.


Geg da Obed haemmers den nomol probiert und denn sind Niggs dahei gsi. So cool gsi dia geilla Luet nach langem wider zgseh. Haend uessers Gaeschtezimmer ikno und haend dr Obed zfrida am Tisch verbrocht. Am noechschta Tag simmer scho dia erschta Ikaeuf go macha und das isch di ganz Wucha so ganga. In dr zwuescha Zit haet denn au no dEM Agfanga und miar haend natuerlich au jedes Spiel verfolgt uf mana TV wo so gross gsi isch wia a Kinolinwand.
Super cooli sach gsi bis zum Tuerka match, nachdem isch mini EM Euphorie zend ganga.


Haend au no Uesflueg unterno uf Santa Monica, San Fransisco, Santa Cruz und Malibu.
Super schoen isches gsi und zWetter het au immer mit gmacht.

Irgend aswen isch au dia Zit abglofa in California und so haemmer den mit gmischta Gfuehl L.A. verloh und haend uessera Rueckflug in dHeimat uf uess kno.


Somit liabi Luet isch uesseri Traumreis zEnd ganga und miar hoffend das Ihar as biz mitverfolga haend koenna wo miar aso umazoga sind in dr schoena grossa Welt. Miar haend riesa Spass ka und freuend uess scho jetzt wider uf eu!!!!!!

Mexico City zum 2.

Wo miar wider im Mexico City ako sind haemmer wider wella ins Juarez. Hend aber Pech ka do alles usbuacht gsi isch simmer den ins Lafayette. Isch oepa zglicha gsi wia zJuarez.
In Mexico hemmer dia letschta Maerkt abcheckt und sind sus no asbiz in dr Stadt umagschlaenderet. Am Sunntig haemmers den entli gschafft, dass au miar amol uf a Stadttour mim Bus sind. (Miar haend immer dia Bues usglacht)
As isch luschtig gsi und glich au as biz langwillig. Haend aber uessera Spass ka und au as klieses Filmli haemmer au dreht.

Am Maentig haemmer den nomol dr Rive troffa sind zaema nomol go essa und am noechschta Tag isches den los uf L.A.



Zit isch so schnell ganga in da letschta Taeg unglaublich, California wir kommen!!!!!!!!!!!!!!

Cuernavaca

dStadt vom ewiga Fruehlig haemmer den nach 10std Busfahrt erreicht. Recht mued simmer gsi und so haemmer den au grad a klieni Siesta igleit bevor miar uess uf da Weg gmacht hend in dSchual wo ni vor 5Johr gsi bin. Ako in dr Schual hets no glich usgseh nur das Veronika (Mini dazumaligi Homestayfamily) nuem doet gschafft het. Eini vom Sekretariat het uess den dTel.Nr. geh mit dr Adressa.
Wo miar dnews kriagt haend, simmer den zruck in dStadt. Doet haemmer uess verwilt mit da Maerkt und so gaeg da 4i simmer den verbi zur Veronika.
So haerzig gsi wo Tuer offa ganga isch, stoht Paula vor dr Tuer und denn isch au dVeronika fuera ko. Sie haet mega freut ka und i natuerlich au, sind den doet bliba und haend ueber dia vergangani Zit gredat und bevor miar wider ufbruch stimmig ka haend, haet sie uess no apotta dass miar bi Ihra koennten sZimmer ha. As so liab gsi aber do miar in 4Taeg fluegend haemmer gli am noechschta Tag dr Bus gno und sind nach Mexico City.

Am Obed simmer den no akli zNachtleba vo Cuernavaca go gnuessa, denn am noechschta Tag simmer scho los.

Puerto Escondido

An kurza Busride und scho simmer ako, fuer mi hets genau no glich usgseh wia vor 5Johr. Eifach schoen und sbescht miar hend grad a lowseason Monat verwuetscht. Hend uess zerscht as Hotel in dr Stadt kno und den haemmer uess zperfekta Hotel afanga suacha und au schnell gfunda. Nach dr zweita Nacht haemmer denn gwaechslet. zHotel isch direkt am Strand gsi vom Zicatela Beach. Sind den am Nomi in a Supermarkt und hend grad fuer a Wucha sacha kauft. Wo zWetter denn mitgmacht het und dWella Surfbar gsi sind bini den au no go Surfa.

Sus haemmer immer guat gessa und gsuenelat hemmer sicher au nid zwenig;-). Zum Teil isches aso heiss gsi, dass miar immer a Siesta hend igleit im Hotel.

Dia Wucha isch so schnell verbi, han au no probiert wia di Iheimischa fischend, bin aber erfolglos bliba und so sinds dia Luet zu miar ko und hend miar Tipps geh wias soetti go.

Super Erfahrig gsi denn dia fischen nur mit Silk wo amana Holzbrettli agmacht isch. Amana Tag haemmer sogar uesseri erschti Schlanga gseh.

Wo miar den gwuesst hend wo uessera noechschta Halt wird si, simmer den go zBillet kaufa fuer uf Cuernavaca.

Los isches den au zwei Taeg spoeter.

Zipolite / Mazunte

D'Strecki nach Zipolite isch nur kurvrig gsi und dae Busfahrer isch wider amal gfahrae wiae di Sau. Im Busterminal acho isch es eus schlaecht gsi und miar sind froh gsi wo miaer feschta Boda under da Fuess gha haend. Haend daenn no a Camionetta muessae neh zum nach Zipolite z'cho. Miaer sind so fertig gsi, dass miaer an Zipolite verbie gfahre sind. So haemmer choenae mit daem noechschtae Camionette wieder zrugg fahre.

In Zipolite acho simmer ins Hotel, es isch ungalublich tuer gsi. Aber Zimmer mit dae Ussicht ufs Meer isch hammer gsi und sbescht am Morgae ufzwache mit dem gruesch vom Meer het alles uebertroffae .

Sind in Zipolite 2 Taegae blibae, am Tag durae simmer go sunnalae und am Abig an Beach go aessae.

Nach Zipolite simmer witer nach.....

Oaxaca

Nach 3Std. Busfahrt simmer in Oaxaca acho. Sind uf Hotelsuechi gangae und haend daenn au eins gfundae wo i dae noechi gsi isch vo dae Maerkt. I daenae Maerkt simmer daenn au 2 Taegae umaegschlenderet. Sind sogar in ae Schoggifabrik gangae und haend ae Schoggishake probieraert. Isch noed schlaecht gsi, aber zum verglich zu eusera Schoggi langts halt gli no noet. Hopp Schwiz!!!!

Stadt selber isch u haerzig gsi und suber und so haemmer diae Taegae gnossae in Oaxaca und sind nach 2 Taegae witer nach........

Palenque

Am Morgae fruehae simmer acho in Palenque und somit haemmer Ziit gah es Hotel zuechae und uf diae 9.00 simmer daenn d'Ruinanae und Templenae vo dae Maya go aluegae. Es isch sehr interessant gsi, au waenn ae u Hitz gsi isch. Haend dae ganzae Tag doetae verbracht und wo miaer zrugg sind haemmer au no ae Tour organisiert fruer dae noechschti Tag wo verschiedeni Wasserfaell chasch go aluegae.

Am Abig simmer daenn fein go aessae und zrugg ins Hotel.

Am noechschtae Tag simmer diae Wasserfall go aluegae. Eina haet tuerkischblaus Wasser gah und natuerlich dia andera zwei sind au super schoen gsi. Bim letschtae Wasserfall haemmer 3 Std. ziit gah und so haemmer choenae i daerae Hitz badae und suennaelae. Es isch sehr entspannt gsi.

Im zruggwaeg simmer daenn zum Busterminal und haend sTicket kauft fuer dae noechschti Tag wo eus uf.................................................

MEXICO City

Glandet und als erschts haemmer muessa as Buach kaufa ueber Mexico, do uessers jo gstohla worda isch. Hend den eins gfunda und nachdem haemmer as Taxi kno und sind an Zocalo ins Hotel Juarez.

A super Hotel gsi und dLag isch perfekt gsi. Dr Torre de Latino isch grad um da Ecka gsi und so simmer als erschts doet ufa und haend uess Mexico City inna zoga. sBescht zTicket isch au no am Obed gueltig gsi und so simmer denn wos dunkel worda isch nomol uf da Tower und haend uess City by night au no geh. An magischa Moment isch das gsi, a soviel liachtli unglaublich.

Am noechschta Tag haemmer den dMetro kno und sind no an Flughafa go zTicket umbuacha. Nachem Flughafa simmer zruck ins Hotel und haend den am Amigo Rive aglueta. Isch cool gsi ihn wider zkoehra. (dr Rive hani kennaglernt wo ni zerschta mol do gsi bin) Haend den abgmacht am noechschta Tag zum zmittagessa.

As isch a cooli Begegnig gsi und so simmer in as Reschti wo nur zTrinka hesch muessa zahla und zessa isch gratis gsi. Natuerlich simmer nid allei gsi, nei sini Arbeitskollega sind au no drbi gsi und so isch ussem Mittagessa as kliesses Feschtli worda. Super cooli Luet gsi.

Miar sind den super volla zruck ins Hotel und sind am noechschta Tag in Busterminal und hend uess an 12stuendigi Busfahrt geh nach Palenque.

Managua

As super Hotel haemmer uess usgsuacht was im nochhinein hets sichs au glohnt. Miar hend icheckt und nach 2min .meint dia guat Frau scho das es do nid grad aso a fruendlichi Zona segi, aber wen mir nur di zwei Strossa nemendi wo si uess Zeigi koeni nuet passiera.

Miar hend den dia letschta 2Taeg im Schoppingcenter und im Kino verbrocht und wider amol vorem Fernseh

Managua selber isch aso dreckig und so simmer froh gsi wo dr Flueger ab isch nach MEXICO!!!!!!!

Las Peñitas

Nach guat 7std. Reis und 4mol dr Bus gwexlet simmer den ako. As super ruhigs Oertli direkt am Strand. Haend doet nid dr hufa gmacht, zSunna gnossa und Buecher glesa.

Hend den nach 3Taeg wella zruck uf Leon aber will dNicaraguaner gstreickt hend simmer doet haenga bliba. Was jo nid so schlimm gsi waer wen miar nid dr Flug in 4Taeg haettend. 

Hend scho ueberleit as Taxi zorganisiera aber au dia hend gstreickt. So haemmer uf zmol neb uessem Hotel an blaua Bus gseh mit Schwizernumera. Was hend miar gluagt an Bus us Bern, was macht de do??? Hends si den agsprocha und so haemmer den grad no dia letschta Taeg mit ihna verbrocht. Dank dr Simone und am Marc simmer den no Leon go aluaga und nocher ufem direkta Weg nach Managua.

An dera Stell Danka nomol!!!!!!

Granada

Was fuer a Hitz wo miar us dem Bus usgstiega sind, kei Wind isch ganga nuet. Dia waermi isch wia um di stoh bliba egal um welli Zit. Sind den grad akaua worda vo einem wo uess as Hotel vorgschlaga het und wo miar den au grad kno hend. As Doppelzimmer mit Fernseh, Privatbad fuer 9$. Haend das richtig gnossa, jeda Tag hamemer Siesta igleit vom 12i bis am 4i vor em Fernseh.

Granada selber isch as haerzigs schoens Staedli, aber dia Hitz het di fascht umghaua. So haemmer uess nur langsam bewegt und viel drunka.

Nach 3 Taeg haemmers den gseh ka und miar haend nur no wella ab an Strand. Ans Meer!!!!!

Haend den dr Bus kno und sind nach.......................................

La isla Ometepe

So, nach fascht ae Monat Meer simmer nach Ometepe. Kei Meer meh sonder jetzt isch agseit gsi dae Vulcan Ometepe zu bestiegae. Uffffffffffffff!!!!!!!

Acho zum eusem Buraehostel isch es wunderschoen gsi. Es haet nuet gah, rundherum isch so grueaen gsi und uf einerae sitae hasch dae Vulcan Ometepe gseh und uf dae anderi sitae isch dae Vulcan Comception gsi, eifach ae wunderschoeni Sicht.

Haend den an Guide organisiert und am noechschtae Tag simmer los. 5 Kilomenter Ufstieg, toent noed viel aber as isch hammer hart gsi. Ich bin wiederemal fascht am krepierae gsi und verchaletet bin i au no gsi.

Los simmer ohni Sunnae, trotzdem haemmer so fescht gschwitzt, dass alles nass gsi isch. Dae Ufstieg isch so hart gsi und je hoecher miaer ufa sind umso naesser isch es wordae und dr Nebel het eus au begruesst. Teilwies simmer mit allnae 4 gloffae. Unglaublich!!!!

Wo miaer endlich acho sind bim Krater, haemmer nuet gseh und dr See erscht raecht noed. Es isch so naeblig gsi, haend den dr zmittag gaessa und daenn haemmer dr Abstieg uf eus gno. Dr Abstieg isch gli astrengend gsi wia dr Ufstieg. Wo miaer wider Buraehostel acho sind, simmer fix und fertig gsi.

Echli entuescht simmer scho gsi, dass miaer obae nuet gseh haend, trotzdem isch es schoen gsi. Haend Affenae gseh, Cacao plantage, und es isch hammer gruen gsi.... Natur pur!!!

Nach las Isla Ometepe simmer witer nach.....

San Juan del Sur zum zweitae

Nachdem miaer Popoyo verlah haend simmer wieder zrugg nach San Juan del Sur. Sind wieder zum Hostel Elizabeth wo dae Peter uf eus gwartet haet. Sind nomal 2 Taegae blibae und wiae immer nuet speziells gmacht. Eusi Schaukelstuehl haend scho wieder uf eus gwartet.

I daenae 2 Taegae simmer in Playa Maderas gange wo d'Jungs haend choenae Surfae und i, i ha g'suennaelet wiae immer. :-)

Und nach daenae 2 Taegae simmer witer nach.......

Las Salinas Popoyo

YeeeeHaaaa!!!!! nach harter ruetliger fahrt simmer den entli ako in Las Salinas. Hend denkt miar hend dr super Deal zoga mit dem Direktbus vo San Juan del Sur. Super astrengend gsi!!

Was aber no astrengender gsi isch, miar hend den no 3km muessa laufa bis uf Popoyo und das in dr groeschta Hitz ca.30 Grad mit Gepaeck!!! Verfluacht hemmer das Popoyo in dem moment, aber wo miar den uesseri Lodge ikno hend isch alles vergaessa gsi und den hets relaxa agfanga im kliena Paradies.

Popoyo zum kurz beschriba, as haet an riesa Strand mit as paar guata Surfspots, ca. 4 Hostels und fuef Restaurants. Kei Internet, kei Telefon und kei Tienda wo oepis hetisch koenna kaufa.

Aber dLodge und dr Vipe do in Popoyo isch dr Hammer. Nur vom Peter haemmer uess muessa fuer as paar Taeg verabschida, denn er isch zruck uf San  Juan del Sur. Do isches fuer ihn eifach zheiss gsi.

Hend no an Schwizer troffa wo doet laebt und dae haet uess den a Fischertour organisiert mit as paar iheimischa. Jeahhh!!!! Miar sind ussa ufs Meer fuer 2std. und sind zruck mit 4 grossa Makrelena. Sbescht dia hend do kei Angla ka sonder nur as Holzbrettli mit silk umwicklet und wenn an Fisch abissa het, hets guat zoga an dr Hand. As super sach isch das gsi.

Wo miar den zruck ko sind vom Fischa oepa am 9i am Morga, het den dia Frau vom Kapitaen an Fisch usanand kno und het den fuer uess as Fischgricht uftischt. Wow isch das fein gsi und sicher nid zwenig fuer an zMorga. Mit vollem Buch und mit ma Makrel simmer den zruck in dLodge und hend den grad dr Chef gfrogt ob er uess de Fisch zum zNacht koenni Kocha. Er isch voller begeischterig gsi und het den kum koenna warta bis er de Fisch het doerfa usanand ne und zuabereita.

Dr zNacht isch super fein gsi und mim FLOR DE CAÑA als Dessert perfekt!!!!

Hends guat usghalta in Popoyo aber do miar no haend wella uf dInsla Ometepe simmer den nachera Wucha wider zruck nach San Juan del Sur und zum Peter.

Nicaragua San Juan del Sur

Nach harter verhandlig mim Taxichauffeur simmer den vor Grenza direkt ins Hotel Elizabeth gfahra worda. Ganz as abgruachts Hotel isch das gsi, aber dr Pris und hammer geilla Schaukelstuehl haend uess as paar grelaxti std. gschenkt. Natuerlich mit dem FLOR DE CAÑA isch z ganza abgrundet worda.

In San juan del Sur hesch nid viel koenna macha, sind den dr Tag am Beach Maderas verbrocht mit Surfa und am Obed wia scho gschriba sind dSchaukelstuehl fuer uess verantwortlich gsi.

Nach zwei Taeg simmer den witer mit da Ruhrpottler (Daniel und Peter ganz zfridni Typa us Dortmund)

nach........

Liberia

Liberia haemmer nur an halt gmacht fuer a Nacht, do dr Peter nid grad so fit gsi isch. Haend doet no as luschtigs Hostel gfunda wo sicher scho ueber amana Johr nuem Offa gsi isch. Doch de luschtig Purscht het den uess no as Zimmer geh fuer as biz Geld.
Sind am Obed Hamburger mit Pommes go essa und am noechschta Morga frueh simmer den witer zur Grenza nach Peña Blanca und vo doet simmer den uebera nach Nicaragua

JUHUUUUUUU!!!!!!!!!!Flor de caña ich bin wider hier!!!!!!!!!!!!!!!!!!!!!!!!!

Santa Teresa

Ufem Weg nach Santa Teresa isch denn uess Taescha gstohla worda, wia het das gnervt!!!! Aber zum guata Glueck im unglueck hets nur zwei Buecher (Lonely Planet isch eis gsi und a Biographie vor Muatter vor Natalie Uruguay), Sunnacremi, Sunnabrilla, as paar uslaendischi Muenzana und was am meischta Aergeret das au no uesseri Kamerakaebel drbi gsi sind. Sind den nach langer Reis aendli ako im Questa Ariba, so haet uesseri Lodge gheissa. Doet simmer den au a Wucha bliba und i und dr Daniel sind oepa 3mol im Tag go Surfa und uesseri Prinzessina haend sich in dr Sunna verknuegt (Danka das miar eu haend koenna kennalerna, so sind alli zfrida gsi:-)). Daniela und Tanja haend den au meischtens am Obed zKocha ueberno und immer fein Kocht fuer uess. Danka!!!!!!!!
Amana Obed simmer den ina Beachparty alli zaemma und i gib amana Amerikaner mini Kamera zum as Foetali schuessa und de guat Buab weiss nuet gschieders und loescht miar alli Foetali vor Kamera. Das kanns geh ni, waemana a Flaescha Flor de Caña und as paar Biar intus het.
In dem super entspannta Hostel sind so vieli cooli Luet gsi und so haemmer den au dr Daniel und dr Peter vom Ruhrpott kennaglernt und sind den mit ihna witer uf Nicaragua.
Vor Tanja und am Daniel haemmer uess den verabschiedet und miar sind den los nach....

Monteverde

Super het das klappt, ako im kliena Doerfli het scho eina min Nama gruafa. Hae???? kund eina uf mi zua und streckt miar a Visitakarta vors Gsicht. Your Friend Daniel is in this Hostel!!!! Hahah!! wia das klappt het und so simmer den an de super grelaxt Platz. Haend uess den grad Informiert waegamana Canopy und dae Adventure hemmer uess den au grad geh. Sind abgholt worda vomana Buessli und den simmer in tuefa Wald gfahra. Ako haends uess dia ganz Montur geh und scho isches los ganga mim erschta Kabel durch da Wald. Insgesamt sind 21 gsi und dr laengscht isch 750m. gsi und 156 meter hoch. As super Erlebnis gsi und sbescht as het no a Tarzanschauckli ka wo zerscht 10meter freiafall ka hesch und nocher hets di ins Seil gschmissa und dSchauckla het agfanga. Ah ueberigens Daniela isch dia erscht gsi wo gsprunga isch (min kli Adrenalin Junki:-))
Zruck ins Hostel hemmer den au dia andera wider troffa. Laura (eini vo Holland) isch am Fruend dhoor am schnida gsi und als i das gseh han, hani das Zepter grad muessa ind Haend ne und han im a Glatza gschnitta. I als klina Valentino:-))

Am Obed haemmer den no fein Kocht und am noechschta Morga simmer den witer mit dr Tanja und am Daniel nach Santa Teresa.

La Fortuna

Nach dem kurza Stop in San Jose simmer den am noechschta Tag uf Fortuna wo dr aktivi Vulkan "Arenal" isch. Haend im Bus au grad no zwei Duetschi kennaglernt und wo miar am Hotel ako sind, haemmer au grad no as paar vo Holland kennaglernt. So haemmer uess zaema tua und sind Offertana go inna hola. Sind schnell fuendig worda Vulkanbesichtigung mit Thermalbad. Am Obed am 5i isches los mit uessera SUPER Tour. Ehrlich gseit an lacher isches gsi, sind zerscht amol im dunkla go spatziera und wo miar den an Ussichtspunkt ako sind, sind den gli amol as paar roti Lavastei vom Vulkan abagrollt. Aber do as recht bewoelkt gsi isch haemmer nid grad dr hufa gseh. Egal haemmer denkt jetzt gohts ab ins Thermalbad, Hahaha!!! Was fuer as Thermalbad, dr Bus het den an Stop gmacht vor amana super schoena Thermalbad. Doch das isches leider nid gsi, sind den im dunkla an Hang durab und hend nid grad viel gseh. Ako dunna bim Fluss heissts so nemment aswo Platz und gnuessend dia warm Quella. Was fuer an Scheiss isch den das gsi, im dunkla bisch irgend aswo ina Fluss inna ghockt und fuer das hemmer au no Geld zahlt.
Do kamma sega bi uess het Turifalla schoen funktioniert.

Egal, am noechschta Tag haemmer an haenger igleid und dr rescht treffemer den wider in Monteverde. Am noechschta Morga isches den scho los mit Jeep Boot Jeep nach.....................

San Jose zum zweitae

Sind wider zrugg nach San Jose und haend daenkt 2 Taegae z'blibae au waenn miaer dasmal in ae besseri Gagaend gsi sind haets eus au doet noed g'fallae. Sind d'Ikaufstrass go aluegae und das isch scho gsi. San Jose haet wuerkli nuet und so haemmer eus entschiedae am noeschschtae Tag scho witer z'gha nach......................................

Puerto Viejo

In Puerto Viejo acho haemmer as gmuetlichs Hotel gfundae (dae Bsitzer isch voll en schwizer gsi) und sind den au 4 Tagae blibae. Puerto Viejo isch i dae karibischae sitae vo Costa Rica und ihr choent eu ja vorstellae, ragae Musik, rasta Haarae, Mariuhana und natuerlich isch alles PURA VIDA.

Miaer natuelich haend voll s'Meer gnossae. Am Anfang haemmer gmeint gha, dass z'karibischae Meer ruhig waer ohni Waellae und tuerkisch blaues Meer. Tuerkisch isch es scho gsi aber ruhig noed. Es haet Waellenae gha und surfae haesch au choenae. Es isch wunderschoen gsi, wissa Sandstrand, truekisch blaues Meer und Palmenae haend noed choenae fehlae.

Sogar en Beachcruisers haemmer au no gmietet. Es isch so luschtig gsi es haet kei Handbraemsi gha sonder haesch nur Ruecktrittbraemsi gha (Tommy, das waer oeppis fuer di gsi, haend a di daenkt wo miaer am Velofahrae gsi sind :-)). Es isch wuerkli mega luschtig gsi, haend richtig Spass gha.

Patrik haet natuerlich sin erschte Flor de caña drunkae und sit doetae haet er nuemae ufkoehrt.

Tja, in Puerto Viejo haemmer wuerkli noed viel gmacht eifach nur gnossae und nach daenae 4 erholsami Tagae simmer witer nach......

Costa Rica San Jose

In San Jose acho, haemmer als erschts de Bus gno richtig Down Town. Meh als ae Stund haemmer gah, sind im Busterminal Cola cola acho und scho haemmer gwuesst, dass es kei schoeni Gaegend isch. Da miaer noed gnau gwuesst haend wo euses Hotel isch und scho dunkel gsi isch, haemmer es Taxi aghalte und gfroegt er soell eus zum Hotel bringae. Sini Antwort isch gsi, sorry, ich weiss noed wo es isch. Tja, eus isch nuet anders uebrig blibae als laufe, da es ja noed so wit isch. Leider haemmer s'Hotel noed so schnell gfundae und diae Luet wo sogar in San Jose wohnedt haend au kei Ahnig gha. Sind wiederemal schoen gnervt gsi und natuerlich bim suechae simmer au id gfahret Zonae vo San Jose spatziert. Di liebae ufmerksame Luet haend eus daenn aber zrugg gschickt und so simmer ins noechschte Hotel wo mer gseh haend. A raechti Bruchbudae, aber witer suaechae haemmer au nuem woellae. Haend eus frisch gmacht und wo miaer nomal usae sind, sind d'Strassenae scho leer gsi. Miaer sind daenn direkt ins noechschtae Resti innae und haend vom chaltae Buffet oeppis gaessae. Nuet speziell gsi und nachem haesslichae aessae simmer daenn scho wieder zrugg ins Hotel.

Laenger haemmer nuemae woellae doetae blibae und so simmer am noechschta Tag scho witer nach....

Galapagos

Igstiega in Flueger und scho hemmer wider dPatricia und dSandra troffa. Sind den guat glandet in Baltra, das isch dr Flughafa vo dr schoena Insla. Haend den vo doet an Bus und a Faerry kno zum uf dInsla Santa Cruz zko und doet haend uess scho dia erschta Pelikana und Seeloewana begruesst. Hend den nomol an Bus kno und am Mittag simmer den entli in Puerto Ayora ako. Haend uess den gli uf dsuachi gmacht fuer as Hotel und sind schnell fuendig worda. Spoeter simmer uess go informiera was alles uf da Galapagos kasch unterne und haend den au grad as paar Toura buecht.
Am noechschta Tag hemmer scho dia erschti klieni Tour unterno. Dia erschta Blaufuesser gseh (Das isch an Vogel mit blauna Fuess), Seeloewena und super vieli Leguanas hend sich au zur schau gstellt. Go Schnorchla simmer den au no, aber zMeer isch recht stark gsi und somit isch dSicht nid grad so guat gsi. Sind den no in dLa Grieta, links und rechts riesigi Felsana und in dr mitti super klars Suesswasser. Doet haemmer nomol Gschnorchlet und den simmer wider zruck. Am nomittag simmer den no an Tortuga Bay, a wunderschoena Strand wos Leguanas ka het und an kliena Shark. Super heiss isches gsi und so haemmer den dr Tag usklinga lo mit no as biz suennela.

Am noechschta Tag isch dInsla Isabela agseit gsi und Sandra het sich am vor Obed a klieni Magaverstimmig verwuetscht. zBoot uf dInsla isch erscht am zwei los und somit simmer am Morga no Charls Darwin go aluaga. A Reseve mit riesa Schildkroet, unglaublichi Fotana hemmer gmacht.(muend no as biz warta bis dFotisession agseit isch:-)) . Dia arm Sandra het alles muessa mitmacha und as het scho oepa 30 Grad ka. Am zwei isches den los mit dem Boot und zweistd. spoeter simmer ako in Isla Isabela. Ab in a Bus und ins Hotel, den a Stund spoeter simmer a Laguna go aluaga wos keissa het doet gsehmer den dFlamingos. Hahaha an Witz genau eina hets ka und am noechschta Morga isch de immer no an dr glicha stell gsi. Hend gmeint de segi usgstopft.
Sind den mit da Pferda uf da Vulkan Sierra Negra. Miar hens an Emul geh das isch so a mischig vo Esel und Pferd. De arm het recht muessa schaffa und as het mega Spass gmacht. Am noechschta Pferderenna koemmer sicher mitmacha, denn dia Pferda sind anderscht los galopiert. As isch a sooooooooo luschtig gsi wia Hampelmaenner hemmer usgseh. Am Nomittag simmer den no go Sharks aluaga und Pinguina hemmer au no gseh und zSeeloewena koehrend immer dr zua. Nach em Spatziergang isch den no Schnorchla agseit gsi und den simmer zfrieda zruck ins Hotel. Am Tag druf haemmer an haenger igleid und haend dr ganzi Tag am Strand verbrocht. Natuerlich dia kuehla Biarli hend nid gfehlt bi 30 Grad :-) .

Am noechschta Tag haemmer frueh muessa ussa do dFaerry scho am Morga am 6i los isch. Sind den am 9i wider in Puerto Ayora gsi. dSandra het sich den grad uf da Weg gmacht zum no a Tagestour zbuacha. As het leider nur no fuer zwei Platz ka und so sind den miar am noechschta Tag uf dInsla Seymour. Do miar nur no ein Tag hend und dGirlis no zwei.

De Usflug isch dr Hammer gsi, fuer uess eina vo da beschta bis jetzt. Was miar alles gseh hend unglaublich wia imana Tierlibuach. Vo Frigatas (Au a Vogelart wo vorna am Hals an riessa rota Sack het woner ufblost wener sich moecht bemerkbar macha bi da Wibli), Mantarays, Galapagos Shark, Tussigi Fisch und zbeschta miar hend sogar mit Seeloewena koenna schwimma. dSchildkroet het au nid gfaellt und dr Leguan het au no hallo gseit. Das Schnorchla goht in dGschicht i fuer uess, no nia a so klars Wasser gseh wia an dem Tag. Sind so zfrieda und mued zruck nach Puerto Ayora. Am Obed hets no an Stromusfall geh fuer oepa 3std.

Am noechschta Tag isch zParadies zEnd ganga und miar sind wider zruck nach Quito. dGirlis sind no an Tag laenger bliba doch dia werdemer huet Obed nomol gseh und fuer uess heisst ab Morn Adios Sued America, Welcome Central America.

Costa Rica wir kommen!!!!!!!

Guayaquil zum zweitae

Nur ueber Nacht simmer in Guayaquil gsi, da am noechschtae Tag dae Flueger scho los isch uf GALAPAGOS!!!!!!!!!!!!!!!!!!!!!!!!!!!!!!!!!!!!!!!!!!!

Das isch alles. :-)

Banos

In Banos hemmer es super Hotel gfundae. Wiederemal mit Fernseh und warm Wasser.
Banos isch sehr schoen gsi aber da miaer ja gli uf Galapagos goent, hemmer noed viel unterno. Sind am Abig ins Thermalbad gangae (ueberfuellt gsi vo Luet) und nach 1Std. simmer wieder zurgg ins Hotel. Es isch naemlich Osterwuchae gsi und alli sind uf Banos will no a Zeremonie statt gfundae haet. Miaer sind daenn nur no go aessae und zrugg ins Hotel zum Fernseh.
Am Tag druf hemmer d'Stadt agluegt und sind in a Ussichtspunkt gloffae, wo mer dae aktive Vulkan hetti soellae gseh. Es isch leider echli bewoelkt gsi und somit hemmer nur en Teil gseh.
Sind daenn wieder zrugg ins Hotel zum Fernseh. Ihr gsehnt miaer haend richtig wiederemal dae Fernseh gnossae.
Am noechschtae Tag isch daenn am 13.00 der Bus los uf Guayaquil.

Quito

Rumpel, Schuettel und entli simmer in Quito ako. Dia Strossa isch eimol me wider dr Horror gsi und dr Busfahrer Schumacher het alles geh. Wie di Sau isch er gfahra und miar sind wuerkli froh wo miar hend koenna usstiega. Sind den ins glicha Hostel wia Patricia und somit haemmer uess wider troffa und gmeinsam simmer den am noechschta Tag go Galapagosticket suacha. Happy Birthsday isch agseit gsi vor Daniela und dr Patriks Day isch au no gsi und so simmer den am Obed fein go Essa und nocher as biz go fiera in as Irishs Pub. Am noechschta Tag hemmer den uess selber as Gschaenkli gmacht und hen uess zTicket kauft fur Galapagos.
JEEEEEEEEHHHH!!!!!! miar goehnd nach Galapagos!!!!

Dr Flug isch erscht innera Wucha und somit haemmer den uess Quito agluagt. Hend uess au no mit dem Andres (wo miar in Sued Afrika kennaglernt hend) troffa und de haet uess super Tips geh was kasch alles unterneh wen allei gosch ohni Tour nach Galapagos.
dPatricia isch fascht scho am verzwiefla gsi, do si umbedingt a Bootstour in Galapagos het wella macha mit dr Sandra (Kollegin vo Patricia). Si hets den aber ufgeh und zwei Taeg spoeter het si sich au zFlugticket kauft fur da 23.Maerz und somit simmer au zaemma uf Galapagos.

Miar sind den no witer uf Banos und dia guat Patricia het sich mit dr Kollegin troffa in Quito.

Manta

Ako in Manta isch Operation Galapagos agseit gsi und somit hemmer as Reisebuero ufgsuacht. Pech hemmer ka alles isch am 12 zua ganga und miar haends fascht nid koenna glauba. Guat, Schlau wia miar sind haemmer den as Taxi kno und sind an Flughafa. Haend denkt kaufemer as Ticket am Lastminute Schalter. Ako dr Flughafa het au scho zua ka, was fuer an Tag und miar hend doch wella Lobster in Galapagos essa und dr Geburtstag vor Daniela fiera, do Prinzessin jo gli 28 wird. Nuet isch gsi, haend uess den gseit wenigschtens weg vo Manta, denn Manta isch ueberhaupt kei schoena Ort gsi. So hemmer den uess as Ticket kauft uf Quito und sind am noechschta Tag los.

Puerto Lopez

As Fischerstaedli au direkt an dr Kueschta. Ganz as haerzigs Plaetzli, ruhig und as gschmaeckli vo Fisch isch immer in dr Luft gsi. Haend uess informiert ueber dia Inslana wo koensch go aluaga und haend den au a Tour buachet. A Schnorchel, Kayak, Fischertour hemmer unter no. zSchnorchla isch nid schlecht gsi, zSicht hetti doerfa besser si und zKayaka isch mit minera Prinzessin nid luschtig gsi (Pass uf, glich muemer ruadera, nid dschnell, kehr um nid zwit weg vom Strand, vorsicht dWella kund u.s.w sind nach oepa 5min wider an Strand zruck) .Anyway ufem zruck weg isches passiert i han dia Ruata in dHaend kno und nach as paar Minuta zuckts scho an Barracuda ca 60cm lang und oepa 4Kg isch dra gsi am Hocka. Mis lacha isch bis an dHoorspitza ganga. De fein Fisch het uess zwei zNaecht geh (d Patricia het das Kocha in dHaend kno und as isch super fein gsi). Am noechschta Tag haemmer den an Usflug gmacht nach Agua Blanca und Playa Frailes. Hend uess an Chauffeur organisiert und de isch den mim Pick up ko und miar hend doerfa hina uf dr Ladebruck platz ne. Gratis Cabriolet:-)) an grelaxta Tag isch das gsi, hend uess in Agua Blanca mit Erda von Vulkan igschmiart und in Playa Frailes simmer zerscht durch da Wald bevor miar de super schoeni wissi Sandstrand gseh hend. De Walk durch de Wald het 45min duret und het uess as paar fluech koschtet. Weiss nid wiaviel Muckastich miar ab kriegt hend. Doch nocher am Strand isch dWelt wider in Ordnig gsi.

Mia hend den uess vor Patricia verabschiedet den si isch uf Quito und miar nach Manta.

Montanita

Surfersparadise vo Equador, riesa Wella, guenschtigi Drinks und Party ohne endi am Wuchanend. So sind natuerlich au miar am Samschtig in Montanita ako. As isch erscht Nomittag gsi aber dLuet sind scho crazy gsi. Haend den as Hostel gfunda und sind den gli amol dr Strand go abchecka. Hammerharti Wellana hets ka und zWasser isch super warm gsi. Am Obed haemmer den a klieni Cocktailtour unterno und den isches den ab in a Disco. Wild isch es zua und her ganga, oepa am 4 am Morga hend den miar zBett ufgsuacht und wo miar am spoetera Morga verwacha sind, isch Party immer no am laufa gsi. Haend dr Sunntig am Strand verbrocht. Am noechschta Tag isch Surfa agseit gsi und somit hani miar as Board gmietat und han mi mit da Wellana verknuegt oder dWella hend sich mit miar verknuegt. Hammerharti Brecher hets zum Teil ka, dass es as paar spuehliga geh het. As isch jo nid eifach aso dr beschti Surfstrand vo Equador. Also Mancora isch grad "harmlos" gsi. Am Obed hemmer den no Patricia kennaglernt, a ganza cooli Frau us Spania (Madrid). Mit Ihra hemmer den no as paar Taeg in Montanita verbrocht und den simmer zaemma uf..................

Equador Guayaquil

Nach 12std. Busfahrt simmer in Guayaquil ako, wider amol a riesa Stadt. Sind an Tag lang umagschuaned und hend Offertana agluagt fuer Galapagos. Sind au no an super schoena Park go aluaga wos Leguana ka het wia Sand am Meer. Malecon isch au no as Thema gsi und so simmer au am Rio entlang zum Luechtturm. Ganz haerzig gsi, sind den no am Obed a Parrilla go essa fuer zwei Persona. Guat isch fuer zwei Persona, i bin jo kei schlechta Esser aber de zNacht isch fuer 4 gsi. (Usser dr Taisch oder dr Feusi waeren drbi gsi, den waers knapp worda Hahahah:-)). Unglaublich kei Mass dia guata Luet. Hend den au gli amol Guayaquil gseh und hend dr Bus kno wider richtig Meer.

Máncora

Nach Huanchaco simmer in Máncora glandet. Am 6 am Morgae simmer in Máncora acho, haend en luschtigae Mototaxi gno und sind zum Hostel. Máncora selber isch noed grad so schoen gsi, es isch direkt neb der Panamericana gsi und Strass isch vollae vo Kakalackenae gsi. Strand isch chli aber herzig gsi. Dae Patrik haet nach langaer ziit wieder chonae go Surfae gah und ich ha defuer mini erschti Magaeverstimmig gah.

Nach Máncora simmer daenn uf Ecuador.

Huanchaco

Euse noechschtae halt isch Huanchaco gsi. Ae u herzigae und ruhigae Ort, wo s'Meer gah haet und wo miaer endlich d'Sunnae haend choenae wieder gnuessae. Sind 4 Taegae in Huanchaco bliebae und haend wiederemal nuet gmacht nur g'suennaelaet.

Huanchaco's Meer isch mega gfoehrlich gsi, es haet viel Stroemigae gah und ich ha kei Chance gah zum Schwuemae. Dr Patrik defuer haets mega gnossae er isch wiae es chlinsaes Kind gsi, isch immer mit dae Waellae gschwumae und isch eifach nuemae usaecho. Doch i daenae 4 Taegae sind paar sachae passiert.

En Surfer und aen Schwuemer sind ertrunkae (i dae Moenaet vo Januaer, Februar und Maerz sterbet pro Jahr oppae 25-30Luet), d'Rettigsschwuemer sind immer im Isatz gsi. Amanae Tag isch s'Meer so boes gsi, dass d'Fluaet bis an d'Strass cho isch und alli Luet wo am Strand gsi sind haend muessae fluechtae. En Irrae haet au no amenae Abig mit arae Pistolae uf dae Strass umae gschossae.

Das isch zgrelaxta Huanchaco gsi. :-)))

Huaraz

Sind wider 8Std. in en Bus ghockt und dae noechschtae halt isch Huaraz gsi. Haend viel vo Huaraz koehrt, dass es u schoen waer und Trekkingtourenae i dae Bergae choentisch mache. Wo miaer in Huaraz acho sind, haet's eus d'Staedli ueberhaupt noed gfallae. Bergae sind scho rundumae gsi, doch Stadt haet eifach nuet gah, es haet alt und draeckig usgseh. Raegae haemmer au no gah und somit simmer grad ins Hostel.

Im Hostel acho isch scho wieder en Guide bi eus gsi wo Tourenae haet woellae verkaufae. Da miaer aber erscht dae Machupicchu gmacht haend, haemmer kei luscht meh gah ae 4taegigi Tour zmacha und dass no im Regae. Haend aber eus fuer ae Tagestour entschiedae und sind Chavin go aluegae. Chavin isch 1200 vor Christus baut wordae und was miaer gseh haend sind Rouinaenae gsi.

Tja, Tour selber isch nuet speziell gsi, sind 6 Stundae in en Bus ghockt (3 Std. hi und 3Std. zrugg) und glofae simmer oppae 2 Std. Wiae ihr choent lasae isch nuet Weltserregend gsi, eher ae Misslungeni Tour.

So simmer den gli wieder weg vo Huaraz und euse noechschtae Stop isch in...

Lima

Nach 22Std. Busfahrt simmer in Lima acho. Was fuer ae Chaosstadt. Muend vorstellae nur Lima haet 7millionae Iwohner (wiae di ganzi Schwiz). So viel Autos und so viel Stau haets gah. Natuerlich isch Lima viel moderner gsi als anderi Ortenae in Peru, trotzdem haemmer eus entschiedae echli usserhalb vo Lima z'gha und zwar nach Miraflores. Viel viel ruhiger als Lima und viel sicherer. Es isch wuerkli viel haerziger gsi und Strassenae sind immer vo Polizistae bewacht gsi, vo Morgae bis Abig. Trotzdem haends gschafft miaer s'Natel us dae Taschae z'klauae. Zum Glueck haends nur s'Natel klaut, ich ha naemlich au beidi Kamera gah. Tja, waenn halt reisisch chan so oeppis passierae.

In Miraflores haemmer noed so viel gmacht, haend Zentrum agluegt, simmer s'Meer go aluegae und im Shoppingcenter simmer au gsi, aber haupsaechlich haemmer d'Waermi gnossae und vieli Glaces gassae. :-)

s'Zentrum vo Lima simmer au no go aluaga. Aber viel schoens haets noed geh, nur ae grossa Platz und dae isch wunderschoen gsi. Doch sobald ae anderi Strass gno haesch, bisch scho i dae gfoehrlichi Gagend gsi. Simmer as paarmal inaegratae, d'Luet haend eus aber grad wieder zrugggschickt. So simmer schnell wieder zrugg nach Miraflores. Es isch eifach noed so entspannt gsi.

Nach 3 Tagae simmer daen witer......

Cuzco

Ako in Cuzco und scho isch uess a Offerta uf da Tisch gleid worda fuer a 4taegi Wanderig uf da Machupicchu. Super hets toent und so hemmer den au am noechschta Tag zua gseit. Doch bevor es los ganga isch am noechschta Tag simmer no an Fuassballmatch go luaga. Cooli sach gsi doch dManschaft vo Uruguay het recht zkempfa ka waeg dr Hoechi. Hend sich aber tapfer gschlaga.

Amigos am noechschta Tag isches den los ganga mit dem Ziel Machupicchu, hend uess am 7 am Morga abgholt und den isches richtig Busterminal. Doet hemmer den dVelos uf da Bus verlada und den isches los ganga 5std. ride mit dem Bus und nocher 4std. Down Hill mit Velos imana Zuaschtand unglaublich. Am Schluss simmer zdritta gsi wo hend muessa uf Santa Maria laufa will dia super Velos usanand keit sind. Mini Prinzessin het sogar no an Sturz anagleid will so as A...... vo mana Busfahrer kei Platz gmacht het. Isch aber alles guat ganga und Daniela isch au ganz in Santa Maria ako.

Santa Maria isch uesseri erschti Uebernachtig gsi, ganz ok gsi zHostel und dr Food isch au guat gsi. Viel hemmer den nuem gmacht sind den gli amol go Pfusa.

Tagwach am 7i zMorgagessa und am halbi8i simmer den los gloffa. Am Afang dia erschta paar km isches grad us ganga und den isch an Ufstieg agseit gsi vo 2std. An rechta Ufstieg gsi, aber miar hend wider amol a super schwein ka was uesseri Gruppa abelangt und so isches gli au no a witziga Ufstieg gsi. Unterwex hemmer den dr erschti halt gmacht mitten drin im Jungel, hend doet uess verstaerkt und no so a Cacaomassa kauft fur dCocablaetter. Cocablaetter seitma helfi in dr Hochi und gebi Energie, aber vo dem hemmer nid viel gspuehrt aber zganza Mul isch amigs guat igschloffa. Sind nach oepa 9std. Wanderig ako in Santa Teresa, sind den in as Thermalbad uess as biz go erhola. Unterwex hesch koenna vo da Baeum Mango, Limona und Banana pfluecka. Ebafalls haemmer uess au no muessa mitara offena Seilbahn uebera Fluss zuecha, an eimoliga Tag gsi. Hend den in Santa Teresa zerschta Biar zu uess kno und am Obig simmer den alli zaemma in a Disco und Party het grockt nach 3liter Rum.


Am noechschta Tag isch den dr Guide zu uess ko und het dr Vorschlag brocht mit dem Bus witer zgo. Er het an rechta Hang Over ka, hetti glaub a Flaescha soella usloh:-)) Nuet isch zMorga gessa und den haemmer wider dr Rucksack uf da Rucka bunda und los isches ganga. Sind oepa 5std. unterwex gsi und den simmer scho in Agua Caliente ako. Unterwex hemmer scho koenna as paar Ruinana vom Machupicchu gseh und so isch dvorfreut immer groesser worda. In Agua Caliente isch es den in a super Hotel mit warm Wasser und Privatbadzimmer, dafuer zEssa isch nuet gsi. Sind den gli amol go schlofa, den am letschta Tag isch am 4i Tagwach gsi. Sind am halbi5i los richtig Machupicchu und wo miar doba ako sind oepa am 6i, haemmer sicher ueber 500 Staegatritt hinter uess ka. Super astrengend gsi und das am Morga ohni an zMorga im Maga. Wo miar den inna sind in da Machupicchu isch alles grau gsi vom Nebel und ma het nid viel gseh. Hend den a Tour in dia Ruinana gmacht und uess alles agluagt. Sind den zerscht no uf da Wayamapicchu uf uess kno und wo miar doba ako sind (wider nur stegatritt) het sich dr Nebel verabschiedet und a unglaublichi Ussicht hesch ka uf dRuinana. Hend den gli dr Abstieg uf uess kno und sind den dia magischa Moment vo dem Machupicchu go inna zuecha. WoW!!!! was fuer as Erlebnis, sind den au no zum Sunnatempel glofa und natuerlich au ueber Staegatritt. Haend uess dr Machupichu vo allna Sita agluagt und so haemmer oepa 7std in dem magischa Fleck verbrocht. Sind den wider dia viela Staegatritt aba und hend den dr Zug gno zruck nach Cuzco. In Cuzco simmer den no amana Obed alli zaemma go abfiera und den isch de super Tripp verbi gsi. No luschtig wen in Cuzco bisch und am Obed ussa gosch muasch kei Geld mit ne, den alles isch Gratis. Jeda will di mitneh in sini Bar und verspricht dr an Gratistrink (Cuba Libre) und so hemmer a klieni Bartour unterno und am Schluss bisch recht guat parrat gsi.



Sind den witer nach Lima...............

Peru Puno

So het dr erschti halt gheissa in Peru. Do i a klini Magaverstimmig ka han haemmer in Copagabana nit koenna uf da Lake Titicacasee, das hemmer den do unter no. Sind am noechschta Tag mit dem Boot uf a Schwimmendi Insla ganga und hend doet zleba vo dena Inselbewohner bewundered. Nocher simmer no uf a anderi Insla go dr zMittag ne und denn isch de entspannti Tag scho verbi gsi. Haend den no an Deal koenna macha das miar mit dr Tour grad no as Busticket dr zua kriegt hend und so simmer den richtig Cuzco.

Copacabana

Nach 19 Stundae Busfahrt simmer in Copacabana acho. Es isch gaz ae haerzigs Doerfli direkt am Lake Titicaca einae vo dae hoechschtglaegenae Seenae 3800m. Es isch zwar sehr touristisch gsi, trotzdem en grelaxtae Flecke uf daer Welt.
Haend Copacabana richtig gnossae. Es isch naemlich wiederemal warm gsi. Haend in Copacabana Sehnswuerdigkeitae inaezogae und der Patrik haet nach 7 Moenaet Reise sini erschti Magedarmverstimmig gah. As Sandwich mit Eier, Kaes und Schinke isch dae usloeser gsi. Oh mein Gott, was fuer ae Nacht. Nur erbrochae und..........
Am Tag druf haet er dae ganzi schoeni Tag gschafae und ich ha choenae d`Krankaeschwoeschter si.
Woner sich besser gfuehlt haet, isch daenn euserae Ufenthalt in Bolivia au scho verbi gsi, miaer sind daenn au witer nach Peru.

Sucre

Sucre!!!! und alles het nach Fasnacht gschreit!!Wasserballoen sind durch dLuft wia gschoss und alli sind aso betrunka gsi. Was fuer a Akunft, hend denkt jo morn isch alles verbi und so simmer den ins Hostel. Am Obed simmer as biz go laufa, miar sind nid 5min. dussa gsi scho simmer Nass gsi und mini Prinzessin het den no an Wasserballon ins Gsicht kriegt. Scheiss Wasserballoen, Scheiss Typ!!!! Het na gern verwuetscht, den i bin as biz usser Hus gsi. Nuet nei, weg ischer scho gsi.


Am noechschta Tag isch den no a Husfasnacht agseit gsi, traditionell isch zHus mit Wiirauch igweit worda und nocher isches drum ganga innert kuerze liegt die Wuerze eina an Helm zsufa. Dia Biar sind nur so ko wia geschter dia Wasserballoen, eins nachem andera. Hend voll doerfa mit feschta mit da Eigatuemer, Guggamusik und zWasser het natuerlich nid doerfa fehla und so simmer am Obed wider guat Nass gsi.


Hens gli amol nuem so luschtig gfunda, doch Gott sei Dank am noechschta Tag isch dr ganzi Spuck verbi gsi und miar hend au no koenna Sucre aluaga. Zu Sucre eins vo da schoenera Staedt bis jetzt wo miar gseh hend in Bolivia.


Dr noechschti Stop isch den Copacabana gsi.........

Potosi

Los isches ganga mit dem Bus uf Potosi, was fuer a fahrt eimol me. Unterwex hemmer muessa an Fluss ueberquera, wo recht stroemig ka het. Guat sowit, dr Bus het alauf kno und het afo dr Fluss ueberquera. Genau bis zur mitti isch de Trottel ko und promt simmer stecka bliba. Nuet me isch ganga, nur no graucht hets ussem Gedriebe. Was nun? Ustiega hemmer muessa (natuerlich nur dMaenner) dHosa ufalitza und hend agfanga dr Bus usem Flussbett zstossa. Zbeschta das liaba Volk vo Bolivia sind a so hilfsbereit, nei im gegateil si hend uess nur zuagluagt und ussglacht. zVeruckta dia klienschta Autos hends gschafft dr Fluss zueberquera nur miar nid, was fuer a Chauffeur!!!!!!! Hend an dera Stell no as Paar Argentinier kenna glernt, dia hemmer den au no as par mol troffa uf uessera Reis.


Sind froh gsi in Potosi azko, Potosi isch dia hoechschtglegni Stadt naemlich 4060m. Dluft isch doet recht duenn gsi und so hemmer denkt das miar drei Taeg doet blibend. Doch nuet gsi nachem zweita Tag het si uess ussem Hostel ussa gschmissa. Was, Wia bitte?? Miar hend dWelt nuem verstanda wega drei Luet het si zHostel nid wella offa palta, do am noeschta Tag an firtig gsi isch und si het wella uf Sucre go.


Das isch den au uessera Plan gsi und so hemmer den Potosi verloh und sind nach Sucre.

Tupiza

Mit da 2 Australier simmer den in Tupiza ako nach 8sdt.Busfahrt. Haend den zHotel in Beschlag kno und sind den grad go abchecka fuer a Ritttour. Am noechschta Tag isches den au scho los ganga mit dem Triathlon, Velofahra, 4 x 4 und schlussendli no 3sdt. Ritta. Was fuehr a Erfahrig, zerschta mol fuer uess ufemena Pferd. Dr Arsch het uess den guat weh tua nach da erschta Rittsdt. Hend zwei super liabi Pferda ka, den de vom John (eina vo da Australier) het gmacht grad was er luscht ka het. Miar hend aso abglacht!!!!

Am Obed zluschtigschta, hemmer no zwei Churer troffa und das irgend aswo in Bolivia. Haend den beschlossa do es Fasnacht isch alli zaemma go Fira. Sind in a Disco/Bar und hends guat Kracha lo. Am noechschta Tag isch wider amol an Hang Over agseit gsi und so hemmers gmuetlich im Park verhaengt und sind den am Obed no fein go essa alli zaema. Dr letschti Obed isch agseit und somit hemmer uess verabschiedet vo da Jungs und sind den witer nach Potosi.......

Uyuni

Am Morgae fruehae simmer in Uyuni acho. Es isch 5.00 gsi und natuerlich isch alles no zue gsi und ins Hotel haemmer au nonig choenae inae gha und somit haemmer muessae bis am 11.00 warte. Tja, miaer haend nur no choenae wartae. Am 8.00 haemmer endlich choenae in en Resti inaehocke und zmorgae aessae. Haend scho 2 australianer kennaeglernt und mit ihnae haemmer au dae Salar de Uyuni gmacht.

Am glichigae Tag haemmer dea Salar de Uyuni buaecht fuer 3 Taegae und 2 Naecht.

Los simmer am noechschtae Tag mit ae Gruppae vo 6 Luet und dae Guide. Es isch ae cooli Gruppae gsi, 2 vo Brasilia, 2 vo Australiae und miaer 2.

Am erschtae Tag simmer dae Salar de Uyuni go besichtigae. Da ja Ragaeziit gsi isch, haet dae Salar echli Wasser gha. Sind Barfuess ufem Salar gloffae und haend " hammer" Foeteli choenae mache. Dae Salar isch immens gross, unglaublich schoen!!!!! Haend doete gassae und nachem z`Mittag simmer witer gfahrae. Am erschtae Tag haemmer noed viel gmacht, sind gfahrae bis zum Hospedajae wo miaer uebernachtaet haend. Es haet nuet gha nur paar hueser. Haend nur dae z`Vieri gno, chalt duschaet und znacht gaesse. Dr Obed haemer den mit Kartae spielae verbracht.

Am noeschste Tag simmer witer, miaer sind durch Lagunenae duraegfahrae wo Flamingo gah haet, durch Bergenae mit Schnee, durch Wueschti, Vulkaen. Unglaublich diae kontraschtenae und der hoechschti Punkt isch 5000m hoch gsi.

Dae 2 Tag simmer bim Laguna Roja go uebernachtae. Sind bi 4500 Meter ueber Meer gsi und alli haends echli gspuehrt. Knochae haend weh da und Kopfweh.
Miaer haend choenae go laufae gah bim Laguna Roja, miaer sind natruelich au gangae, aber ich mues sagae es isch sehr aschtrangend gsi.
Haend so vieli Flamingos gseh und d'Laguna isch mega gsi. Bim zrugg laufae isch no haerter gsi, miaer haend gagae Wind gah und miaer haend gmeint miaer choemet nuemae a. Doch miaer haends gschafft!!!!!
A dem Tag simmer sehr fruehae go schlafae, will am noechschta Tag haemmer muessae am 4.00 ufstah.

Am Morgae frueh isch es witer gangae und sind als erschtae Gasenae go aluegae vo mana aktiva Vulkan. Nach dae Gasenae simmer witer zum Thermalbad. Miaer haettet choenae doetae badae, aber fuer eus isch es zu chalt gsi, sind au oepa bi 5000 Meter ueber Meer gsi. (Euse record bis jetzt).
Nachem z'Moergae assae simmer witer bis zum beruehemte arbol de piedra und 3 anderi Lagunanae go besichtigae. Hammer gsi!!! Am spoetaerae Nachmittag simmer no en altae Zug go aluegae und somit isch au fascht eusi Tour fertig gsi. Zrugg nach Uyuni und zrugg ins Hotel.


Hend den no glueagt fuer as Busticket nach Tupiza, was miar au kriagt haend.

Los isches gangae nach Tupiza.....................

Oruro

Nach La Paz simmer nach Oruro gangae. Ihr choent eu noed vorstellae was fuer ae Strecki. Da ja in Boliviae Ragaezit gsi isch, sind teilwies Strassenae miserabel gsi. Das chasch scho nuem Strassae naennae....... Es isch so ruettlig und schuettlig gsi und unterwaegs simmer no ueber Fluessbett durae gfahrae, sind nur froh gsi, dass miaer in Oruro acho sind.

In Oruro haemmer 2 Tagae woellae bliebae, aber wo miaer acho sind, haet eus Oruro ueberhaupt noed gfallae. So, haemmer eus entschiedae am noechschtae Tag witer z'gha. Haend entschlossae da Zug z'neh anstatt nomal mit dem Bus, doch leider haemmer kei Platz gfundae (da ja ae Wuchae vor Karneval gsi isch) isch es alles usbuaecht gsi. In Oruro isch dae groesschte und schoenschtae Karneval im ganze Sued America.

Das haemmer naemlich au gmerkt. Da in Sued America isch Karneval s'groeschtae. Alli Luet spinnaet und es werdet so vieli Wasserballoendli gschossae, egal ob chindae, alti Luet, Frauae oder Turischtae nass werdet. Meh chunt eifach noed devo!

Oruro selber isch so draeckig gsi und so stinking (Sued America Strassenae stinkt ueberal nach pissae) unglaublich aber wahr.... Da ja mit dem Zug noed klappet haet, haemmer am noechschtae Tag dae Bus gno und sind witer gfahre nach.......

Bolivien La Paz

Ako in La Paz, an schock!!!!! 30 Grad unterschied vo schoena 35 Grad simmer in Winter gfloga. Nei seb nid ganz, sind uf 3600m ufa und doet isches grad amol 6Grad gsi am Obed. Hend zHotel gfunda und haend nuem viel gmacht.

Am noechschta Tag ufgwacht vo Autohupena und gschreii, vo wega aqui,aqui!!! An Markt dia ganz Stross entlang. An rechta schock fuer uess gsi, hend den uess apasst an dhoechi und hend alles ganz langsam unterno. Sind go zmorga essa und wo miar dia Prisa gseh hend, hemmers fascht nid koenna glauba. A so guenschtig, fuer an zmorga das heisst Omeletta gfuellt mit Fleisch, peperoni und mit Pommes, Muesli, Brot und Butter mit Cafe und Mate, Jugo alles zaema fur ca 5Fr.

Sind den guat gsterckt los ganga go La Paz besichtiga, natuerlich im Rega. Do in Bolivia Regazit isch, sind dia ganza Taeg nur Nass gsi. Hend den im Buach glesa das do an Down Hill kasch macha THE WORLD MOST DANGEROUS ROAD. Somit simmer a guati Kompanie go suacha und natuerlich au fuendig worda.

Gravithy assisted Mountain Biking!! Dia Kompanie het alles zur verfuegig gstellt, vo Regahosa,Regajacka, a Windstoper u.s.w. Miar hend denkt jo wens do e Regnat simmer wenigschtens gschuetzt. Hahahahaha an lacher, los isches ganga am Morga frueh und als miar uf 4600m ako sind hets wideramol gregnat. Was macht das uess scho us, sind jo gschuetzt. Genau fuer a viertelstd. isch das Zueg Wasserdicht gsi. I sega eu dia Abfahrt isch eifach dr Hammer gsi, obs dr ganz Tag gregnat het, het das aso gflasht. Ako nuetme isch Trocha gsi aber mit ma a Smile im Gsicht hemmer den koenna a Duschi ne und nocher het sogar no zessa geh. Zruck isches den wider ganga nach La Paz und gli hemmer den zbett ufgsuacht. Astrengend gsi dia 64km Down Hill.

Am nochschta Tag hemmer an grelaxta in La Paz ka. zCoca Museum simmer go aluaga und dr rescht vo La Paz simmer im Rega au no go ablaufa.

Sind den in Bus Terminal und hend as Billet nach Oruro kauft.

Argentinia zum zweita

Sind nach 15std.Busfahrt wider in Buenos Aires ako. Hend doet as bessers Hostel kno als zletschta und so hemmer uess Zentrum vo Buenos Aires inna zoga. Am Obed do jo dr 12 Jan. gsi isch simmer den go fein Essa fuer kei Geld. Argentinia isch so billig, das iahr eu as Bild macha koennt :2riesa Stuck Fleisch mit bilaga, a Flaescha Wi, 1 1/2 l Wasser, Dessert alles zaemma het 100pesos koschtet ca. 30Fr.

Zwoelfi hets gschlaga und in dem moment hani z3 ufem rucka ka, haend den agstossa und sind zruck ins Hostel an dBar. Do zNachtleba in Argentinia erscht am 2 am Morga los goht hanni no as biz Zit ka zum eis, zwei ztrinka. Haend no im Hostel an Schwizer kenna glernt und de isch mit as paarna zaema gsi und so simmer den alli mitanad go ab Faeschta. Dr ersti Stop isch im Roxy gsi, de Club het nid so grockt und so simmer den am Morga am 5 no in a andera Club (The Big One). Hilfe!!!!!was goht den doet ab, han scho as paar Partys erlebt aber was doet abganga isch.........

Dia wo scho amol inara Privat Fictionparty gsi sind koennt sich as Bild macha. Nur dass das do no schlimmer isch. Dluet wo sich dNasa puderat hend sind nid ufs Wc sonder hend sich das Zueg grad vor Ort ikno. I sega eu alli mit Brilla und a so druf das es am spoetara Morg as paar umtischt het. Dr Sound waer hammer gsi (Westbam style) doch dia Luet sind zviel gsi und so simmer den hei ins Bett do jo au scho 7 gsi isch.



Am Tag druf isch nid viel ganga, han a kliena Hang Over ka was jo au kei rolla gspielt het. Hey bin nuem dr Juengscht!!!! Hahahahahah!!!!

Hends den entli gschaft amol ussa zgoh und wo miar so laufend schreits Hey Padrutt!! Was? drehend uess um und dr Michi (mim Michi hani zaema gschafft ka) sitzt mid dr Fruendin amana Gartatischli mit mana Biar. Hey was fuer an Zuafall und so hemmer dr rescht vom nomittag mit Biar und Reisabrichtli verbrocht. Was miar guat inna ko isch, wo miar no zaemma Montiart hend, hemmer uebers Reisa ka und as halbs Johr spoeter triffsch di irgend aswo in Buenos Aires. Geilli Sach gsi..................

Do miar so Campingmued sind hemmer den am Michi no Zelt mit geh. An dera Stell danka nomol, bis gli im Emmatal.



Fuer uess isches den au gli witer ganga nach Cordoba, do miar nur no as paar Taeg reschta hend bevor es heisst Bienvenido a Bolivia.



Cordoba as haertzigs Staedtli, staedtli kasch nid sega mit 1,6mio. Luet. Gli isches endspannt abganga und a Waermi phuuu!!! au wider um di 35 Grad und do kei Meer in dr noechi gsi isch hemmer guat dia Hitz gspuehrt. Hend den an Usflug uf Alta Garcia unterno und doet haemmer zMuseum vom "Che" guevara agluagt. ZMuseum isch zHus gsi woner glebt het, so hemmer uess dia ganz Gschicht geh. An Idruecklicha Purscht ischer gsi!

Do Zit in Argentinia ablauft haemmer dr letschti Stop in Rosario gmacht und doet isch dr "Che" gebora. Sind den am Hus verbi gloffa und hend natuerlich au Fotana gmacht. Dia gsehnder den wemer zruck sind.

Am noechschta Tag simmer uf a Insla mim Schiff go dia letschta Sunnastrahla gnuessa.
Dr letschti Tag isch agseit gsi in Argentinia, hend dr Bus kno und sind direkt an Flughafa.



Bolivia miar sind unterwex!!!!!!!!!!!!!!!

Brasil "Florianopolis"

Haend dae Bus gno und sind nach Florianopolis. Ich saeg eu dae Busfahrer isch so schnell gfahre, dass miaer froh gsi sind heil azcho in Florianopolis. In Florianopolis haemmer daenkt, chum miaer tuent nomal zeltae. Ui nei, es isch dae horror gsi (ich glaube miaer sind definitiv Campingmued). Haend ja keis Auto meh gah wo miaer alles haend choene innaetue und dementspraechend haemmer alles im Zelt gah, Ruecksaeck, Schueh, assae, etc. Patrik haet au sini 2 Thermomatratze kaputt gmacht und jede abig han muessae koehrae "ich schlaf ufem Bodae". 5 Tagae simmer in Florianopolis gsi, haend richtig d'waermi gnossae und sind jede Tag an Strand. Es isch schoen gsi aber zu viel Luet, miaer haend fascht kei Platz gfundae (au da isch Feriaeziit gsi). S' Wasser isch schoen warm gsi und haend choenae richtig badae. In Florianopolis haet oppae 4 verschiedeni Straend gah und natuerlich simmer au alli go aluegae.

Amenae Morgae isch wuescht Waetter gsi und so simmer in ae Cafi inaeghockt und haend doete ae Schwiezerpaerli troffae. Sie isch vo Brasiliae und er isch italiener aber beidi wohnet in Lugano. So haemmer daenn dae ganze Tag mit ihnae verbracht. Sind Duenenae vo Joaquina go alueage und doetae haend Boys ufem Sand g'surfet. Es isch luschtig gsi, aber es haet so g'windet, dass fuer eus Frauae z'chalt gsi isch. Nachdem sie fertig g'surfet haend, simmer an Strand gangae. Es isch mega schoen gsi und sind ae biz doetae bliebae. Aber da dae Sunnae noet immer gschunae haet simmer daenn au witer gangae. Haend gfundae, chum miaer goent dae 2 Strand go aluegae und sind Bahia Mole go aluegae. Wow, ae wunderschoenae Strand und Surfer sind alli dussae gsi. Miaer haend nur en Drink gno und haend dae Luet zuegluet. Es isch eifach schad gsi, dass s'Waetter noed so mitgmacht haet, trotzdem haemmer dae Tag gnossae.

Am noechschtae Tag simmer dae 3 und letschtae Strand go aluegae. Da dae echli witer ae weg gsi isch haemmer dae Bus muessae neh. Oh, miaer haend meh als ae Stund muessae warte, bis dae Bus cho isch (welcome in South America). Sind oppae in Playa Ingles am 11 acho und da d'Sunnae so braennt haet, haemmer en Strandschirm gmietet, so dass miaer echli Schattae gah haend i dae warmae Stundae. Haend dae ganzae Tag g'suennelet und badet. Es haet richtig guet da. Am Abig isch natuerlich dasselbe gsi. Miaer haend meh als 2 Stundae gah und am 9.30 simmer vorem Campingplatz gsi. Haend schnell oeppis gaessae, duschet und sind daenn go schlafae.

Nach Florianopolis simmer nach....



Foz do Igazu



In Foz do Igazu simmer am 9.00 am Morgae acho und miaer haend scho 29 grad gah. Was fuer ae waermi. Sind ins Hotel und schnaell haemmer eus ueber d'Wasserfall informiert. Ich ha unbedingt mit dem Boot woellae gah und somit haemmer au 2 Platzli gfundae und sofort buecht. A dem Tag, simmer d'Wasserfall vo dae brasilianischae Sitae go aluegae. Es isch schoen gsi, aber nie so gross und so schoen wiae diae vo dae argentinischae Sitae. Haend d'Wasserfall unter 43 grad agluegt. Das isch Brasiliae!!!!

Am noechschtae Tag simmer uf dae argentinischae Sitae gangae. Haend muessae 2 Bues neh und natuerlich au durch dae Zoll durae. A dem Tag isch es ich noed viel chaelter gsi, 39 grad. :-) Wow, sind so verbluefft gsi, bsunders wo miaer mit dem Boot so noech bi dae Faell gsi sind. Miaer sind pflotschnass gsi, doch das haet eus nuet usgmacht es isch ae gueti erfrischig gsi. Und nachdem miaer "El Diablo" gseh haend, simmer ohni Wort doet gstandae und haend gspuerht diae Energie und Wucht vo dem Wasserfall.

Wow, ein MUSS, waenn in Brasiliae oder Argentiniae bisch. Haend daenn am noechschtae Tag dae Bus gno nach Buenos Aires.

Uruguay "Punta del Este"

HiiiiiHaaaaaa!!!! entli ako in Punta del Este! Was fuer a geills Plaetzli, Meer links und rechts no nia so oepis gseh. Hammer Straend natuerlich um dia Zit hets fascht me Luet ka als Sand, isch aber gli schoen gsi fuer dAuga (an dera stell an gruass an Tommy, das waer sicher au no an Platz wo diar wuerd gfalla:-)))) .dNatalie hemmer den troffa und den simmer uessers Quartier go bezueha. Was fuer an Platz direkt im Zentrum und a sicht ufs Meer, das hemmer brucht!!! Am Obed simmer den fein go essa und am 12.00 isches den los ganga mit fiera. Champanier, Tischbombana, Musik und Fuerwerk. Guat gstartet ins 2008, leider het den dNatalie muessa go schaffa. Miar sind den go witer Fiera, zbeschta in Punta del Este alles goht uf einera Stross ab und so simmer den vo einem DJ zum andera glofa. Das isch abganga, a super Stimmig gsi und alli Luet sind crazy ganga. Miar hend den no fuer uess an Sekt goeffnat und hend a klini ego Party dura geh.....

Jo Punta del Este doet liegt zGeld as het so vieli Jachtana ka und zum Teil sind dia Luet umagloffa, eifach zviel...........Miar sind den no zwei Taeg bliba und den hemmer dia super Idee ka nach Brazilia zgo fuer as paar Taeg, uf dinsla Santa Catarina (Florianopolis)

Argentinien

Hola chicos!!!!!

Dr erschti Stop in Argentinia isch in Bariloche gsi. A wunderschoeni Landschaft mit dem riessiga See und da Berga rund uma. Do Wianachtszit gsi isch hend natuerlich au dia viela Touris nid toerfa fehla. I weiss au miar koehrend zu dena aber miar bevorzugend liaber dia unberuehrta Plaetz.:-))

Sind den zwei Taeg doet bliba und den isch uess dr Gedanka ko miar koennten dr Norda vom Patagonia mim Zug durra geh. Agseit waehrend 15std. bis Viedma, brucht haemmer 29std....

A klieni Story:

Agfanga hets das dr Zug oepa 9std. verspoetig ka het und woner igfahra isch hens na zerscht muessa flicka und das isch grad aunomol 2std. ganga. Anyway als miar entli los gfahra sind isch oepa halb3 am morga gsi, natuerlich nuet gsi mit dr schoena Landschaft vo wega aluaga und so. Sind den 5std. unterwex gsi und ufs mol haltet dr Treno wider a, an Typ kund innazlaufa und meint vom Motor seg a Wella brocha. Dreparatur gaengi nid lang aber bis dzpassenda Werkzueg und zneua ersatzteil do segi gaengis 4std. Chicos und das irgend aswo in dr Wueschti......Tren Patagonico het nonigwellaco. Als den dia gmuetlicha Mechaniker itroffa sind isches au scho wider Mittag gsi und Sunna het so schoen aba prennt (Temp. ca 30 Grad). Dlocki gflickt los isches ganga.
Zum as kliesses Bild macha, miar hend nur no dia billiga Platz kriagt und so simmer imana Abteil dinna gsi wo kei Klima ka het nur so scheiss klini Ventis und zwueschat da Schiba hets dr Sand vor Wueschti inna blosa. A rechts Abentuer gsi.... Isch aber no nid fertig, dr Zug isch den am Fahra und wia koenns au andersch si er wird langsamer und wills dr Berg duruf isch het dr nuem moega. Sind den as paar luet usgstiga und hend Sand uf dschina gschmiart, frogend uess nid warum aber as het funktioniart. Dr letschti Stop het dr den no igleid und den hens entli dlocki gwexslat...Hurra Hurra dia neu locki isch da!!!!!! und entli simmer ohni zwuescha Stop am Obed am 10 ako in San Antonio.

As rechts Erlebniss gsi dia Zugsfahrt, aber glichzitig hemmer au geilli Locals kennaglernt. Dia hend uess erklaert was Mate isch und so haemmer mitna as paar Trunka. (Mate isch a Herb wo heiss Trinksch durch as Roehrli, bitter aber fein). Sbeschta eina vo dena het a Gittarra drbi ka und so hets au no as kliesses Konzertli geh.

Sind as biz ussem Plan ussa ko, do miar Neujohr in Uruguay haend wella fiera mit dr Natalie (Natalie haemmer in Suedafrika kenna glernnt und do miar uess guat verstanda hend und scho a guati Party hinter uess ka haend und au no in dr noechi sind, hemmer si wella Treffa) simmer den grad witer in a Busterminal und so glueck wia miar ka hend, hemmer grad no an Nachtbus verwuetscht wo in 15sdt. in Buenos Aires isch. I sega eu vo dera Busfahrt hemmer nuet mit kriagt so fertig simmer gsi nach dem Abentuer.

Buenos Aires

Ako in Buenos Aires Busterminal wo so gross isch wia dr Zueriflughafa. Unglaublich!! Los isches ganga zum no as Ticket zfinda wo uf Punta del Este goht. An Lacher!!! vergiss dia hosa, dia noechschta freia Plaetz sind erscht abem neua Johr. Super hemmer denkt so hemmer uess icheckt imana super Party Hostel "Towntown Mate". Doet sind feschter abganga egal um welli Zit, zum Schlofa bisch nia recht ko. Anyway miar waend uf das Punta del Este go fiera und so isches los ganga mit abklaeriga mim Schiff. Nach langem Hin und her hemmer den entli as Ticket gfunda wo am 31.Dez.07 am Morga am 8i uf Uruguay goht. As isch mit Schiff und Bus verbunda gsi A riessa Sach isch das gsi.

Buenos Aires hemmer uess nur grad an kliena Stadtteil geh San Telmo. A stross wos so klini Maerkt ka het und klini Konzertli geh hend. Tango het natuerlich au nid gfehlt und so hemmer an grelaxta Sunntig verbrocht. Am Noechschta Tag isches den nach PUNTA DEL ESTE ganga. Was fuer a freut......................

Santiago de Chile

Nach 12Std. Flug simmer in Santiago de Chile acho. Sunnae haet eus schoen begruesst. Endlich choemet diae schoeni, warmi Moenaet. :-) Haend daenn sofort dae Bus gno und sind ins Zentrum as Hostel go suechae. Euse erschte Hostel in Suedamerica haet Casa Roja gheissae (chasch au sagae Party ohni endi Hostel). Nach oeppae 50Std ohni Schlaf haet eus das gar nuet usgmacht, waenn diae reisende am Morgae fruehae ins Zimmer cho sind und nuem ins Bett gschafft haend (so kantae haend sich geh). G`Schlafae haemmer wiae 2 Steinae. Sind in Santiago 2 Tagae bliebae, haend nuet gross gmacht. Just relaxt und eus aklimatisiert, da miaer ja fascht en halbe Tag gschenkt kriegt haend waeg dae Ziitverschiebig.


PICHILEMU

Ab ans Meer haets gheissae und so simmer in daem herzigae Doerfli wo direkt am Meer isch. So haes g`relaxts Plaetzli gsi, sind daenn nach 2 Tagae scho witer uf Pucon.


PUCON

In Pucon isch wiederemal hiking agseit gsi. Und so simmer am Morgae fruehae am 4.00 losgangae zum Vulkan Villarica. Sind losgangae mitem vollae Montur und mit Liaecht uf dae Stirn. Diae erschte 2Std. sind no gmuentlich gsi (seit dae Patrik, ich bin scho am krepierae gsi). Und als dae Schnee agfangae haet, isch daenn au fuer dae Patrik au fertig gsi mit gmueaetlich. Es isch so astraengend gsi und miaer sind froh gsi, nach 5Std. am Top vom Vulkan stah uf 2840 M.u.m. Ussicht isch wunderschoen gsi und da dae Vulkan no aktiv isch haets no groichaelet usem Krater. Nachdem miaer dae z´Mittag gah haend, haemmer eus d`Rutschhosae montiert und los isch es gange ufem Arsch dae Vulkan abae. Es isch so luschtig gsi aber am Schluss haet eus alles weh tua. Haend no en Tag in Pucon verbracht und daenn simmer witer ans Meer zum Wiehnachte verbringae.

VALDIVIA

In Valdivia acho haemmer wiae immer dae Hostel usgsuecht und eus gmuetlich gmacht. Sind Staedtli go aluegae. Es isch so luschtig gsi, d'Luet sind so im Wiehnachtsstress gsi nur miaer noed. :-)
Am noechschtae Tag haemmer as Bootstuerli unter no uf Corral Insland. Haend dae 24.12. am Strand woella verbringae. Miaer sind unter dae Sunnae weiss noed wiae lang gloffae und haend niana an richtiga Strand gfundae. So haemmer eus niana koenna Bruena, haend defuer diae Iheimischa gseh wiae sie laebet. Fischerfamilienae, ganz interessant gsi.
Tja, nach as paar Stundae simmer wieder zrugg nach Valdivia. Am Abig haemmer eus so gfreut ufs Wiehnachtsassae im anae feina Resti. Los simmer um diae 20.00 richtig Stadt und promt haemmer gseh, dass alli Restis zuae gsi sind. Miaer haends fascht noed choenae glaubae. Sind ueberall i jedae eckae go luegae, doch nuet isch offae gsi. Haend daenn ae MacDonalds gseh und haend gmeint so, bliebt eus nuet anders uebrig als am Wiehnachta in da Mac z'gah. Doet acho isch sogar dae Mac zua gsi. Ohoho, miar sind ae gueti Stund scho unterwaegs gsi uf dae suechi nach ma Resti. Nuet eifach nuet. Sind in ae chlini Strass inna Spatziert und en Herr haet eus ufghaltet und gfroeget (wiae 1000 anderi Luet) wiae gross dae Patrik waer.... Somit simmer mit ihm ins Gsproech cho und gfroeget ob oeppis offae haet am 24.12. Da er ja saelber as Resti gha haet, haet er nur gmeint da in Chile am 24.12. isch en Familietag und alles het zua. Dr Victor meint as gaebi as Reschti wo offa het. Und miar sind den los wia dFuehrwehr will uess dr Hunger plogt het. Doete acho (dae Resti halbae leer, am 10.30) seit eus dae Kaellner, sorry miaer sind usbueacht. Uff, sind so haessig gsi..... Haend daen daenkt chum miaer goent wider zrugg ins Hostel und essaend as paar Guetzli und zwei Oepflae. (Das isch uessera Notproviant gsi)
Im zruggwaeg isch eus in Sinn cho, dass miaer so ae richtigi Spuntae gseh haend, wo chasch Chips, Hamburger und Bier trinkae. Haend gfundae, chum jetzt goemmer no in dia Chnella und prompt isch au das scho zue gsi. Ganz gnervt simmer wider richtig Hostel, haend unterwex nomol dae Victor troffae und er het gfrogt ob dae Resti offae gsi waer. Ganz verzwieflet haemmer antwortet und verzellt, dass sie Usbueacht gsi sind. Er haets eifach noed choen glaube und da miaer sehrwahrschienlich so verzwieflet usgseh haend, haet er eus agbote bi ihm im Resti z'assae (obwohl sie zue gah haend). Und so haemmer euses Wiehnachtsassae au ubercho. D' Frau vo ihm isch so nett gsi, dass sie fuer eus kochet haet. Am 23.00 haemmer endlich choenae aesse. Nach em assae seit mer z'Chrischtkind Victor: weisch, mini Frau isch ae chli haessig, sie haet eifach ae ruhigae Abig woellae ha. Aessae nur mit dae Ma, z'duschae und am 24.00 mit dae chindae Gschaenkli ufmache. Doch leider simmer miaer cho und dae plan haet sich eifach verschobae. Hi, am 23.50 simmer bi ihnae usaegange und sie haend erscht daenn choenae aessae. Tja, sie haend gfundae es isch Wiehnachtsabig miaer haelfet da Reisenda (Do dr Victor au scho viel gseh het vor Welt).
Haend defuer aes guets Drinkgeld geh und zrugg simmer ins Hostel. Was fuer en Abig!