Akunft in Cape Town, dsunna schint und scho isches los ganga in dia erst Unterkunft in der City Bowl. Longstreet Backpackers hets gheissa und isch grad in dr noechi gsi vom Table Mountain, de hemmer grad au in Agriff kno. Was fuer a Ufstieg 1.5sdt. dr Berg duruf (somit waerend dschuah au igloffa gsi)und als miar doba ako sind, simmer scho fix und fertig gsi. Doch den dia ussicht Hammer!!!! und scho isch uessi muedigkeit verbi gsi und hend den grad au no dr abstieg uf uess kno. De isch no schlimmer gsi, alles hemmer gschpuert und wo miar im Hostel zruck ko sind, hemmer uess verwoehnt mit mana feina 
Znacht in dr Ramba Zamba Longstreet. Zur Longstreet no kurz oepis, fascht zglicha Triba wia in dr Zuercherlangstross eifach ohni Dfreudahueser ;-))).
Am noechta Tag hemmer scho uessera ersti haenger Tag igleit. As het nur gregnat und somit hemmer in dr longstreet Bar ab chillt und uess dr Rugbymatch inna zoga. Australia vs Neuseeland, as super Spiel gsi.( David hend grad an di muessa denka).
Simons Town isch no ufem Programm gstanda und so hemmer dr Weg uf uess kno mit dra geilla Zugfahrt am Meer entlang. Hend wella Kap der guten Hoffnung go luaga und scho hemmer zersta mohl abglust. Wo miar ako sind isch eifach alles abgsperrt gsi wegmana Velorenna. Kei Taxi, kei Boot nuet isch ganga usser dr Zug zruck nach Cape Town. Wo miar wider in Capetown gsi sind hemmer uess verwillt am Bahnhof und am Obed simmer an dWaterfront go essa.
Hend uess as Baz-Bus ticket kauft vo Capetown nach J'burg. Hop on Hop off, a super sach wen kei Auto mietisch
