Schlussbrichtli

Neuseeland ein MUSS fuer diae wo Meer und glichzitig Berge,Seene und Schoef waend gseh. Landschaftlich absolut top, s`Waetter leider meh flop statt top. Haend i denae fascht 7 Wuchae 3 Wuchae raegae gha.
Eus haet d`Suedinslae au besser gfallae als Nordinslae. Es isch ruhiger gsi und Landschaftlich schoener.

Freuet eus jetzt uf dae Summer in Sued Amerka.

Wuenschet eu schoeni Feschttagae und en guete RUTSCH ins 2008.

Nordinsel

Acho i dae Norinslae haemmer d`Sunnae wieder igholt und haend daenn ae Nacht i dae noechi vo Welligton uebernachtet. Haend New Pleymouth in agriff gno und haend ae Camping gno direkt am Strand. Was miaer schraeg gfundae haend, ueberall Wiehnachtsstimmig, mit Samichalus und kuenschtliche Schnee aber Temperaturae vo 23 grand.
Sind daenn witer uf Raglan und haend as paar schoeni warmi Taeg gnossae. Am Abig simmer in d`Wharf go fischae und wiae scho gseit d`Saison isch eroeffnet gsi. Der fang isch gsi vom Patrik: Red Snapper und s`beschte au i han der erschti Fisch gfangae. Leider isch er z`chli gsi und darum hammer ihn wieder frei lah (freund han i gha).
Am noechschte Tag haemmer es Surfbrett gmietet und nur ich han g`surft. Cooli sach!!!!

Lueget dae Porfi a..... :-)

Nur 1 Wuchae bliebt eus no uebrig bis miaer uf Chile flueget und so haemmer daenkt, miaer fahrent no ganz i Nordae. Aber da es diae ganzi Wuchae graegnaet haet, giz leider noed viel zum verzellae.

Jetzt haengemer diae letschti Tagae in Auckland und ab jetzt werdemer nur no Bricht geh ohni Fotanae.

Suedinsel

Ako in Picton wia koennts au andersch si, rega, rega und nomol rega. Bis jetzt het zWetter eifach nid mitgmacht, hend erscht oepa zwei Taeg dsunna gseh in da letschta Wucha. Wias no nid knuag waer, nei mini Prinzessin het sich au no Lues igfanga uf dr Nordinsla. Hend uess informiart und sind ina Apothek go dia richtiga Mitteli zhola. Das isch a Sach gsi.................
Sind am glicha Tag uf Nelson. Super schoen Kueschta, schoeni Sandstraend und Falafelblaus Meer, an hammer Nationalpark wo miar den as biz sind go Spatziera.

Hend den an Halt igleid in Punakaiki, doet hets Pancakemaessigi Felsana ka und probiart zFischa hemmer au wider, erfolglos au dasmol gsi.



Sind den in Winter uf Fox Glacier go dr Gletscher aluaga aber nu vo una und umana See simmer au no glofa. Idruecklich isches gsi aber au Nass, den es het wideramol gregnat.

Next stop Queenstown, as haerzigs Staedli mit Seeana und Berga umringt. Hend den au a Hikingsesion uess geh. Das isch den Astrengend gsi und zbeschta ufem Wanderguide isch gschdanda Fitnesslevel medium 45min., miar hend oepa 2sdt.ka. An ufstieg het uess grad as kliesses Backflasch geh vom Tablemountain in Capetown. Doch den dia Ussicht eimol me dr hammer.

Te Anau isch agseit gsi und vo doet isches den uf Milfordsound ganga uf a Bootscruise. Ufem Weg nach Milford Sound hemmer au no Schnee atroffa, schiess freut hemmer ka. Das isch uessara Winter gsi fuer as paar Minuta. Uf dr Schifsfahrt hemmer as paar Wasserfaell, Pinguina und Robba gseh. As ganz endspannts Schiffsfaehrtli gsi.

Sind den uf Invercargill go uess Informiara ueber dCatlinsroute. Sind am Obed ins Kino go Death Proof luaga, was fuer an Film vom Tarantino. Dia wo dFilma vo im gern gsehn, viel Spass........

d`Catlinsrout hemmer den am noechschta Tag in Agriff kno. Hend an verschidana Straend an Stop grissa und uess Seeloewa, Pinguina, Robba und dia erschta Sunnastrahla geh. Entli dSunna het dr Weg gfunda zu uess und so hemmer den au grad an laengera Stop in Dunedin gmacht. Fuer uess eini vo da Favorita Staedt. Geilli Surfstraend, dr Camping direkt am Meer und zgeilschta wider amol an Sunna untergang gnuessa.

Christchurch isch den dr noechschti Ufendhalt gsi. Ebafalls a hammer Stadt und jetzt zbeschta han minam Tesoro dr erschti mittelgrossi Fisch gfanga. dSaison isch eroeffnat gsi:-)))
Was fuer as gfuehl wens an dr Ruata zuckt (Fischer:-))). Hana behandlet und in suber uskno wia is vom Vincenzo glernt han. Sind den am Obed grad au no ins Casino und wills so an guata Tag gsi isch, hemmer grad au no abgrumat 40 isatz geh 120 mit hei kno. Am noechschta Tag hemmer au no a klini Wanderig gmacht, Dsunna het aso brennt und das scho am 10i am Morga. Sind den dr rescht vom Tag in da Botanischa Garta go relaxa.

nach Christchurch hemmer an fehlustritt nach Hamner Springs gmacht, das het uess ueberhaupt nid gfalla. Sind den uf Kaikoura.

Doet isches jo au nid grad viel besser gsi, dr Camping zum Bruehla und zwetter het sich au wider vor schoena sitta zeigt. Rega isch wider agseit gsi. Leider springt Zit drvo und scho isch uessera Suedinsel Tripp verbi gsi.

Sind den wider uf Picton und den wider zruck nach Wellington mit dr Ferry..

Neuseeland Nordinsel

KIA ORA!!!!!!!!!!

Acho in Auckland haet eus ae warmi Sunnae begruesst, nur das mit dae Sunnae haet noed lang ghaebet. Haend nach 2 Tagae es Auto gmietet und sind gfluechtet vom Raegae richtig Coromandel Coast. Ae idruecklichi erschti fahrt uf Thames, ob s`Waetter nonig mitgmacht haet, sinds hammer maessigi Ussichtae gsi ufs Meer und Bergae. Haend so oepis no nie gseh und uebrigens d`Patrik haet sich s`ganzae Fischerequipement in Thames kauft. Da er miaer immer versprochae haet en riesae Fisch z`fangae.

Acho in Hahei simmer am Abig um 20.00 zum Hot Water Beach gfahre um in ae Hot Pool z`liegae wo selber es Loch haesch muesch grabae am Strand. Aber da miaer ja am Reisae sind und kei Schuflae kah haend, simmer bimenae hollaender im Hot Pool glaege (Isch so riesig gsi).

Sind daenn am noechschtae Tag witer nach Mount Maunganui und haend s`erschte Mal d`Ruaetae usprobiert. Erfolglos gsi. Sind am noechschtae Tag ae chline Huegel go hiking. Chli isch er gsi aber glich haemmers gspuehrt wo miaer witer dunae gsi sind.

Dae noechschti stop isch Rotorua gsi. Mein Gott haet das gstunkae nach fuli Eier, bis miaer das usegfundae haend, dass es vo dussae chunt, haemmer fascht s`ganzae Auto usenantgno. ;-)
Es sind gase vo dae Vulkaen. Amenae Abig haemmer eus ae Maori Village inaezogae. Schoen gsi zum emal gseh wiae diae Maoris glaebt, g`jagt und kocht haend. Hangi ischs tradizionelle aesse wo unter dae Erdae kocht wird.

Sind daenn in Lake Taupo go Krater vo dae Vulkaen go aluegae. Es haet usgseh wiae uferae Mondlandschaft, ueberall haets graucht und jedi mengi Krater hets ka.



Alli haend verzellt, dass d`Suedinslae schoener isch und so simmer daenn am nochschtae Tag nach Wellington und daenn ueberae mit dae Faehri uf d`Suedinslae nach Picton.

Australia hemmer geill kennaglernt, hend erfahra was heisst Autofahra, ueber 14'000 km hemmer ab grockt. Western Australia hed uess besser gfalla als dOstkueschta. Mit dem Wetter hemmers uess koenna irichta sind ziemlich schnell in Norda ufa in da Summer. Jetzt goht dr Summer au im Sueda los. Mit Surfa hemmers as biz verpasst, hend aber glich as paar hammer Spots gseh. Australia isch wuerkli as Izi Land zum bereisa und miar werden sicher nid zletscht mol do gsi si.

Wunderschoen isch gsi au dia Verwanta vor Daniela Ztreffa und bi dena doerfa zWohna. Verwoehnd goehmer jetzt witer nach Neuseeland.....

Bis den........................

Perth

Unendspannt simmer in Perth acho, besser gseit in Wanneroo (nord vo Perth) bi minerae Verwandti und s`Auto haet daenn au dr Geischt ufgeh und isch eifach stah bliebe.

Nach en herzlichae Empfang haend sie eus ihri Wohnig zeigt und froh simmer gsi, wo miaer s`Bett gseh haend. Nach 2 Monaet verlangasch wiederemal as Bett.... :-)
Nachdem miaer alles besichtiget haend sind Toechtere vo Vincenzo und Maria cho. Schlussendlich simmer mega viel luet gsi: Vincenzo, Maria, 1 Tochter Nina mit Ma Vincenzo und mit 2 chindae, Giulia e Joe (Giuseppe), 2 Tochter Carmela, mit 3 chindae, Adriana, Rose and Jack. A big family und all zaeme haend z`Nacht gaesse.

Am noechschtae Tag sind Kollegae vo Vincenzo und Maria cho sie haend eus alli woellae kaenaelernae. Ihr choent ja vorstellae wiae es isch. Sind scho bi jedae Igladae gsi go aessae und in verschiedeni Restaurants simmer au gsi.

Vo Perth saelber isch noed viel zum verzellae. Ihr wuesset ja Stadt isch Stadt. S`einziges isch, dass diae jungi Luet very crazy sind. Da isch d`Modae so schrecklich ihr choents eu noed vorstellae. Unglaublich bunt und unnormal. Leider haemmer kei Bilder aber waenn i eu das schriebae: Eini haet roti Schuhae, schwarzi Struempf, gruenae Rock, blauae Pulli und ae gaelli Taschae... Das seit ja scho alles.....

Go Fischae simmer au (patrik haet so freud gah) . Es haet mega Spass gmacht, ich bin ganz nass wordae und leider han i kein Fisch gfangae nur Alge, defuer dae Patrik haet eine gfangae und ihr haettet ihn muessae gseh er haet sich nueme choenae Erholae . Vincenzo isch dae wo am meischtae gfangae haet total 9. Am Abig haet dae Patrik alles muessae gseh, wiaemeren Fisch putzt, wiaemeren schniedet und wiaemeren kocht und etc. Jetzt seit er:

DANIELA ICH WIRD DER IN NEUSEELAND EN GROSSAE FISCH FANGE!!!

Pokeret haet er au, en Tisch voll mit alte italiener und diae haend dae Patrik richtig usgno. So luschtig gsi! Sie haend en ganzae Abig gspielt und natuerlich haet min liebae 50 Aus Dollar verlorae.

Fascht vergaesse s`Auto hemmer den au no gflickt, dae Keilriehmae isch kaputt gsi vom Alternator. Danach isch alles wieder guet gsi, aber nuer fuer as paar Tagae und daenn isch au no zGetriebae kaputt gangae (irgendwiae isch s`Auto verfluecht). Meh als ae Wuchae haemmer s`Auto noed choenae bruchae. Schlussendlich haemmer au das gflickt und ghofft, dass es nuet meh passiert.

Aber es isch nonig fertig, sind amaena Tag zur Zugstation gfahre, haend doetae s`Auto parkiert und witer simmer mit dem Zug und Bus. Am Abig wo miaer wieder bim Parkplatz gsi sind, haet dae Patrik s`Auto ufgmacht und isch nur uf sinnerae sitae Tuer ufgangae. Er haet dae ganzae Tag Liaecht braennae lah. Natuerlich isch nuet meh gange, haend nur dae Vincenzo agluete und er isch eus go hole cho.

Am noechschtae Tag haemmer au no muessae ae neui Batterie go poschtae und sind diae go ersetzte. Nachdem Patrik diae montiert gah haet seit er zu miaer, Tesoro gah go probierae. Han Tuerae woellae ufmachae und es isch eifach noed gangae. Hihi, d`Schluessel sind im Auto dinnae gsi. Irgendwiae haets Konntakt gmacht und Tuerae sind verschlossae gsi. Haend aber au das Problem gloesst.

Mit dae Schuel haemmer au agfangae. Leider haend miaer nur 3 Wuchae choenae mache will no 1 Wuchae feria gsi isch. Trotzdem isch ae gueti repetition gsi. Sind froh gsi, dass miaer diae Schuel gmacht haend.

Paar Kollegae wo miaer in Broome kaennaeglernt haend sind au in Perth gsi und natuerlich haemmer eus au mit denae troffae. Es isch cool gsi diae Luet wieder z`gseh. Au Lea (Arbeitskollegin) haemmer troffae. Sind paar mal zaemae unterwaegs gsi!! Schoen gsi, sie wieder z`traeffae.

So isch diae guati ziit in Australiae au gli z`aend, jetzt probiaeremaer no z`Auto verkaufae und denn gahz witer nach Neusseland..........

Exmouth to Perth

Vo Broome nach Exmouth hets nuet geh zum aluaga und so simmer au wider oepa 1000km gfahra bis nach Exmonth.

Exmonth a super Platz in West Australia, zMeer isch dr hammer doet im Ningarloo Reef. Doet hesch koenna go Schnorchla und hesch me gseh als im Barrier Reef. Dr Campingplatz isch grad bim Luechtturm gsi und so hemmer uess dr Sunset vo doet doba inna zoga. Eimol me dr hammer gsi, hend au no Wahla gseh verbi zuecha. RELAX PUR!!!!!

Hend am Obed uess as biz kanta geh, was jo au nid schadet ab und zua :-)

Sind denn witer nach Coral Bay........

Coral Bay het genau nur zwei Campingplaetz an Lada fuer zFuatter und as paar Turischtabueros und alles lebt an einera Stross. Ako und grad erkundet wos am beschta isch zum go Schnorchla. 1 std. spoeter simmer scho an dem Strand gsi. zReef isch ca 30meter entfernt gsi so dass i als klina ma fuera han koenna laufa so tuef isch zMeer gsi. A super Platz, wider jenes me gseh als mit Taucha. Rocha wuerkli grossi Fisch und farbigi Coralana.

Nach zwei Taeg hesches den gseh und uessera noechschti halt isch Canarvon gsi. Ueberigens jetzt sind dStreckadistanza nur no 250-350km gsi. As Zuckerschlecka!!!!!

Canarvon ako hemmer uess erkundet wias usgseht mit da Strossa nach Gnaaraloo. An Ort wo eifach muasch gseh ha in WA. Hend den uessi Verpflaegig poschtet und sind am noechschta Tag los duesset. Dr ersti Stop isch Blow Hole gsi, as loch inara Felswand direkt am Meer wo zmeer oepa 10 bis 20meter ind luft spruezt und an Sound dr zua, gigantisch......

Bis doet sind dStrossa super gsi und ab doet isches los ganga mit dr Paris Dakar strecki, grumblet hets so das fascht zAuto usanand keit isch. Zumindescht as paar Schruba sind am Boda glega wo miar nid gwuesst hend wos hi koehrend. Sind den nach 1std. in Red Bluff ako. As kliesses Paradiesli, an Campingplatz amana Hang mit ussicht uf Dwella und nur Relax Pur.

Nach Gnaarloo isches den nomol a halbstd. gsi und miar sind froh gsi wo miar ako sind. An 4x4 waer sicher schlauer gsi. Gnaarloo isch jo grad au no as Plaetzli zum verhaenga und so haemmer dNacht doet verbrocht. Windig gsi aber dr Hammer!!!!!!!! Sind den am noechschta Tag wider zruck nach Canarvon, hend glaub an neua Rekord ufgstellt sind aso gfaetzt wias an 4x4 gsi waeri. zAuto het usgseh wo miar ako sind ufem Campingplatz, alles isch voll rota Sand gsi und klipperet hets grad au no. Das hani denn aber in Griff kriagt.:-))))

Nach Carnarvon simmer nach Denham go dr Camping neh und uf Monkey Mia simmer den am noechschta Tag go Delfin fueatara. As cools Erlebnis gsi heti sicher au minem Vater gfalla. (An liaba Gruass an dera stell vo dina zwei Reisevoegel).

Kalbarri isch dr noechschti halt gsi, bekannt fuer guata und guenschtiga Fisch. So hemmer uess den au riessig gfreut uf an Fisch und hend uess uf da Weg gmacht. Ako dr Schuppa isch gschlossa gsi und somit hets nuet geh mit guenschtigem Fisch. Hend den sus oepis zwuescha Zaeh kno. Sind am noechschta Tag uf Geraldton wo miar drei Taeg bliba sind, nid wills schoen gsi isch sus zum alles erlediga und organisiera fuer Perth. Haend den dia letschta 400km uf uess kno und sind und hend unterwx no an klina halt gmacht bi da Pinacles. Pinacles isch so a klini Steilandschaft zum uma Spaessla. Luagend dfotana ........

Broome

Euse noechschtae halt isch Broome gsi, haend nomal 2000km uf eus gno. Unglaublich diae Distanzae!!! Da diae Strecki so langwilig gsi isch, haemmer kein halt gmacht. Sind Stundae und Stundae gfahrae und haend am spoete Nachmittag in Kananurra en halt gmacht und haend doete ufem Camping uebernachtet. Eusi Nachbare sind 2 Fruehaerentner gsi vo Duetschland und sie haend eus dae ganze Abig (bis 1Uhr morgae) ufghaltet. Haend eus gueti Plaetz zeigt wo miaer in Western Australia muend gah und suscht sache verzaelt. Luschtig gsi!!!

Am noechschtae Morgae simmer fruehae losgfahre und am Nachmittag simmer endlich in Broome acho. Haend en Campingplatz gsuecht und d`Zelt ufgstellt. En coole Campingplatz grad am Meer. Am Morge bisch ufgstande und haesch choene grad go suennelae gah . Haends richtig gnossae miaer sind au 4 Tage in Broome gsi. Wow, Broome isch eifach wunderschoen!!!

Doete haemmer au dae schoenschte Sunnaeuntergang bis jetzt gseh. Bilder saeget scho alles....

In Broome haemmer au 2 cooli Typae vo Duetschland troffae. Haend luschtigi Abigae mit denae verbracht und ich glaubae miaer werdet mit denae in Kontakt bliebae.

Somit isch dae Ufenthalt verbi und sind witer nach.......

Darwin

Endlich nach 4 Tagae simmer in Darwin acho. Sind beidi mega happy gsi. Somit haemmer eus entschossae as paar Tagae in Darwin z`blibae. Haend d` Waermi gnossae (30-35 Grand) und haend eifach grelaxt.

Dae Kakadu Nationalpark simmer au go besichtiga. Haend doet 2 geilli Tagae verbracht.

Wow, es isch ae unarae Waermi gsi und diae Fluegenae..... Eus isch eifach dae Schweiss abaetroepflet und d`Nacht im Zelt isch noed so schoen gsi. Uf jedefall isch dae Kakadu Nationalpark empfelendswert.

Wo miaer acho sind im Park, simmer d`Aboriginal painting go aluegae. Es isch sehr interessant gsi und paar painting sind no guet gsi. Unglaublich!!!!

Am Nachmittag haemmer ae Boottour gmacht, wo miaer Krokodile haend choene gseh. Euses Boot haet so luschtigi Luet gha diae sind meh interessiert gsi a dae Voeglae anstatt d`Krokodilae z`findae. Natuerlich haemmer au welchi gseh, grossi, chlini, diae wo im Wasser gsi sind und diae wo eifach kein wank gmacht haend. Isch ae gueti Tour gsi.

Am noechschte Tag simmer dae Billabongsee go aluegae. Miaer sind um dae See spaziert und haend ghofft paar Krokdilenae z`gseh. Leider haemmer kei Glueck gha, haend keini gseh. Doch oeppis guets haet au gha, miaer haends erschte Kangoroo gseh. ( Besser gseit, kein tots sonder es lebaendigs). Happy simmer wieder zrugg ins Auto gange und sind wieder nach Darwin.

In Darwin acho haemmer woellae in ae Backpackers go uebernachte. Sind Prisae go abcheckae und da es so tuer gsi isch simmer wieder ins Auto innaegstiegae und prompt isch s`Auto noed gschtartet. D`Noechscht panne isch agseit gsi. ( Diae vo Chur, ihr wuesset ja wiae Patrik chan usraschte....) Ich han ihn chum meh choene obaenabehole. Haend zum 2 mal am Abschleppdienst agluete und s`Auto isch diraekt i Garage gange. Haend noed gwuesst ob dae Motor oder Alternator kaputt gsi isch. Da d'Garage scho zue gsi isch, isch eus nuet anders uebrig blibae in ae Backpackers z`gha und doete go uebernachte. Am noechschtae Tag isch natuerlich euses Auto no noed parat gsi, dass haet gheissae miaer muend nomal ae Nacht in Darwin bliebae. Possitiv isch gsi, dass dae Motor noed kaputt gsi isch sondern "nur" dae Alternator. Haend dae Tag easy gno und am noechschte Tag simmer endlich wieder witer nach........

The hellway to Darwin

So hets au agfanga, kum simmer 250km gfahra hets uess dr Zahnriema verrissa vom Radiator (De wo dr Motor nid ueberhitza loht). Natuerlich simmer irgend aswo gsi wos kei Empfang ka het und all halbstd. isch amol as Auto verbi ko. Nach oepa anera Std. haltet as Auto a und frogt ob er uess koenni helfa, flotta Burscht gsi. Er isch denn zu sich hei und isch mit as paar Zahnriemma zruck ko, nur leider zpassanda Werkzueg het gfaehlt.

Er het den uess mitkno nach Mt. Garnet ca 16km entfernt vom Auto. Doet als erschts ina Telefonkabina und dem Roadservice aglueta. De isch den au ziemmli schnell ko und het uess ufglesa in Mt. Garnet und den isches zruck zum Auto. An Brumliga Typ gsi und gschproechig isch grad au nid a so gsi. Tja hani denkt und han afo froga stella und gli ischer as biz us sich ussa ko. Hend den zAuto ufglada und sind zruck nach MT Garnet. Ufem zruck Weg frog dr uess wo miar schlofendi, im Auto isch uessi Antwort gsi. Ako bi ihm dahei scho isch sini wunderbari liab Frau vor dr Tuera gstanda und meint wenn miar wellendi koennemer ins Hus ko go uebernachta.(Si wird mini Prinzessin agluagt ha und denn hesch fascht muessa uess ilada:-)) Hend recht fertig usgseh und 9i am Obed isches au scho gsi.


Si het uess as doppel Bett parrat gmacht und nachem znacht het si no vo ihrem feina Kuacha as stueckli geh. Fein ischer gsi und den isches au gli amol ins Bett. Das isch di bescht Nacht gsi sid langem, endlich wider amol imana super Bett zschlofa.

Am noechschta Tag het den dia liab Frau alles in dhaend kno mit Organisiera. Sind den in di noechscht Stadt gfahra worda und doet hens den zAuto gflickt. zbescht as het uess nuet koschtet usser a tafla Schoggi wo miar ihra den gschenkt hend. Si het dWelt nuem verstanda und isch aso gluecklich gsi wia miar am vor Obed. A super erfahrig gsi und as hend uess nur no oepa 2500km gfehlt bis Darwin.

Recht zfrida hemmer den uessera Roadtripp wider in agriff kno und sind ca 600km gfahra. Uf zmol a Klapf und a Tescha het das geh und zAuto isch nur no hin und her ganga. So verschrocka!!!!! sind usgstiga und i han mina Auga nid traut. Jetz hets uess zProfiel abzoga vom Reifa, krass nur no zgweb vom Pneu hesch gseh. Gfluacht und gjetzt hani wia di Sau, hend den dr ersatz Reifa fuera kno und de isch jo fascht no schlimmer dra gsi als dr abzogni Pneu. Scheiss Auto Traveller Barn!!!!!(Bi dem wo miar zAuto kauft hend). Hend dr Reifa gwexlat und sind den mit 80 stdkm ins noechschta Kaff cruiset. Natuerlich hemmer knuag zahlt fuer an neua Pneu und dr Ersatzpneu hemmer grad au no gwexlat as fehlend jo no ca 2000km bis Darwin.

Wia wills au andersch si, sind den am noechschta Tag wider los und das mol nach oepa 700km as Backflash a knall und as rumbla isch durchs Auto und au am zweita Pneu hets zprofiel abzoga.I han glaub in dem moment a neui hoorfarb kriagt, so usser Hus bini gsi. Han denn dr Ersatzreifa wider montiert und sind den ins noechscht Staedtli cruiset wo oepa 2std. endfernt gsi isch. Hend am noechsta Tag alli Pneu ersetzt was jo au fascht nuet koschtet het ;-( imana abglegna Ort zmitzt im Northern Territorium. Was hemmer wella macha nomol so oepis zerleba nein Danke!!! Han denn dr Pneuheini no gfrogt wia alt dia Pneu sind ganzi 9Johr hend dia ufem Profiel ka.Scheiss Auto Traveller Barn!!!!! Wo miar zAuto kauft hend, hend dia Pneu wia neu usgseh, han das fascht nid koenna glauba. Sicher isches a rechti belaschtig fuer an Pneu in dera Hitz und dStrossa sind au nid immer so dr Hit gsi. Aber as Auto zVerkaufa mit Opaspneu.....

Anyway sind denn dia noechschta zwei Taeg endlich ohni schwirigkeita dura Pretterat (in NT kasch fahra so schnell du moechtsch). Ako in Darwin simmer den in a Camping Platz und hend a Flaescha Wi ufgmacht. Ziel erreicht!!!!!!!!!!!!!!!!!!!!!!!!

Cairns

In Cairns acho, simmer i dae noechscht Campingplatz vom Zentrum go d`suite ufstellae. Sind daenn eus go Infos inaehole uebers Great Barrier Reef. Am noechschte Tag haemmer grad en Trip ans Great Barrier Reef buaecht. So haet dae Patrik endlich sini 2 Tauchgaeng am schoene Reef choene machae und ich hans mit schnorchlae inaezogae.




















A dem Wuchaenaend isch au grad no dae Start vom Carnevalfestival gsi. Dae Start haemmer eus noed entgah lah, sind am Strand umae grelaxt und haend dae livebands zuaeglost. Jazzigi sach gsi und s`beschtae hochsummerlichi Temperaturae haets gah.

Im relaxtae Cairns haemmer eus daenn no vorbereitet fuer diae langi Fahrt uf Darwin, 2700km sind agseit.

So das langet wieder fuer es ziitli (spaessli) bis gli.....

Airlie Beach

In Airlie Beach sind Whitsunday Island agseit gsi. So haemmer en Tagestrip buaecht mit schnorchlae am Reef. Wissi magischi Straend, tuerkis blaus Meer, s` Waetter haet passt, super Tag gsi!

Sind daenn gli witer nach......

Town 1770

Town 1770 (Agnes Water) isch entdeckt wordae vo James Cook im 1770. Miaer haend 2 ruhigi Taege doetae verbracht und sind am Abig waenn Sunsettime gsi isch an Strand.

Bilder saeget alles! So haemmer eimal meh eus guet gah lah.